გაერო-ს ანგარიში - ჩინეთმა, სინძიანის რეგიონში, უიღური მუსლიმების წინააღმდეგ ადამიანის უფლებები სერიოზულად დაარღვია, რაც შესაძლოა, კაცობრიობის წინააღმდეგ ჩადენილ დანაშაულს გაუტოლდეს

ჩინეთმა, სინძიანის რეგიონში, უიღური მუსლიმების წინააღმდეგ ადამიანის უფლებები სერიოზულად დაარღვია, რაც შესაძლოა, „კაცობრიობის წინააღმდეგ ჩადენილ დანაშაულს“ გაუტოლდეს. ამის შესახებ გაეროს ადამიანის უფლებათა უმაღლესი კომისრის ოფისის მიერ გამოქვეყნებულ 45-გვერდიან ანგარიშში წერია.

დასავლური მედია ყურადღებას ამახვილებს იმ ფაქტზე, რომ ანგარიში რამდენიმე წუთით ადრე გამოქვეყნდა, მანამ, ვიდრე გაეროს ადამიანის უფლებების უმაღლესმა კომისარმა, მიშელ ბაჩელეტმა საკუთარი უფლებამოსილების ვადა დაასრულა. მედია ხაზს უსვამს იმ გარემოებასაც, რომ კომისრის ოფისმა არაერთგზის გადაიდო ამ ანგარიშის გამოქვეყნება.

ჩინეთი ანგარიშის გამოქვეყნებას „ძლიერ წინააღმდეგობას“ უწევდა. ოფიციალური პეკინი კატეგორიულად უარყოფს სინძიანის რეგიონში ადამიანის უფლებების დარღვევას.

ჩინეთის მთავრობამ 131 გვერდიანი დოკუმენტის გამოქვეყნებით უპასუხა გაეროს კრიტიკულ ანგარიშს, სადაც მან კომისრის ოფისის მიგნებები დაგმო და დასძინა, რომ ის "დაფუძნებულია დეზინფორმაციასა და ტყუილებზე, რომელიც შეთხზულია ანტი-ჩინური ძალების მიერ“.

ლევან  შენგელია - ხელისუფლების თამაში ევროსტრუქტურებთან უაღრესად საშიში თამაშია და შეიძლება საქართველოსთვის საბედისწეროდ დამთავრდეს
ოჯახური ძალადობა, სამუშაო ადგილებზე სექსუალური ხასიათის არასასურველი ქცევა, პოლიციის მხრიდან ძალის გადამეტება და ბავშვთა უფლებების დარღვევა - რა შინაარსის ზარები ხორციელდება სახალხო დამცველის „ცხელ ხაზზე“
ქართული პრესის მიმოხილვა 04.03.2024
„ფარმადეპოში“ გაზაფხულის ფასდაკლებები დაიწყო