ანა ფოტიგა - ქართული ოპოზიციის წარმომადგენლებთან ვისაუბრეთ ყველაფერზე, რაც მნიშვნელოვანი და ღირებულია საქართველოსთვის

სასტუმრო „სტამბაში“ „ნაციონალური მოძრაობისა“ და საქართველოში ვიზიტად მყოფ ევროპარლამენტარ ანა ფოტიგას შორის შეხვედრა დასრულდა.

ევროპარლამენტარის ინფორმაციით, შეხვედრაზე საუბარი ქვეყნისთვის მნიშვნელოვან და ღირებულ საკითხებზე წარიმართა.

„შევხვდი ქართული ოპოზიციის წარმომადგენლებს, მათ შორის ,,ერთიანი ნაციონალური მოძრაობის” წევრებს. ვისაუბრეთ ყველაფერზე რაც მნიშვნელოვანი და ღირებულია საქართველოსთვის. ასევე ომზე უკრაინაში, რადგან ჩემი სპეციალობის სფერო თავდაცვა და უსაფრთხოებაა”, - აღნიშნა ანა ფოტიგამ.

„ნაციონალური მოძრაობის” წევრის ბაჩო დოლიძის განცხადებით, საუბარი 12-პუნქტიანი გეგმის შესრულებას ეხებოდა.

„ვისაუბრეთ იმაზე, თუ რას აკეთებს ,,ქართული ოცნება”, იმიტომ, რომ ფაქტობრივად საბოტაჟირებას უკეთებს მთლიან პროცესს და ყველაფერს აკეთებს იმისთვის, რომ ქვეყანამ ვერ მიიღოს კანდიდატის სტატუსი, რასაც შემდგომში გადააბრალებს ოპოზიციას, სამოქალაქო საზოგადოებას ან ევროპელ პარტნიორებს. ჩვენ ყველაფერი გვაქვს გასაკეთებელი იმისთვის, რომ "ოცნება" ვაიძულოთ შეცვალოს პოლიტიკური ვექტორი. მათი დასაყრდენია რუსეთი და არა ევროკავშირი, შესაბამისად ეს არის მთავარი საკითხი”, - აღნიშნა ბაჩო დოლიძემ.

ვახტანგ ძაბირაძე - 30 წელზე მეტია, ჩვენთან ერთად თუ ვინმეა საქართველოს სუვერენიტეტის დამცველი, ჩვენი დასავლელი პარტნიორები არიან
ემილ ავდალიანი - ამიერიდან ირანი და ისრაელი მეტოქეობის განსხვავებულ ეტაპზე გადავიდნენ
ქართული პრესის მიმოხილვა 18.04.2024
ალიანს ჰაილაინი, როგორც სრულყოფილი საინვესტიციო პროდუქტი
ბოლო დროის ყველაზე პოპულარული B2B პროექტი - ONFAYA, Golden Tulip Design Tbilisi-ში
სუპერმარკეტების ქსელმა „ლიბრე“ განახლებული ფილიალი გახსნა
წინანდლის მამულში საგაზაფხულო სეზონი კულტურული ღონისძიებებით გაიხსნა