უკრაინის პრეზიდენტ ვოლოდიმირ ზელენსკისა და ევროკომისიის პრეზიდენტ ურსულა ფონ დერ ლაიენს შორის სატელეფონო საუბარი გაიმართა. ამის შესახებ ვოლოდიმირ ზელენსკი „ტვიტერის“ საკუთარ გვერდზე წერს.
მხარეებმა განიხილეს უკრაინის ფინანსური დახმარება. უკრაინის ლიდერმა ხაზი გაუსვა სანქციების მე-8 პაკეტის მომზადების საჭიროებას, მათ შორის რუსეთის მოქალაქეებისთვის ვიზების გაცემის აკრძალვას.
ზელენსკიმ დასძინა, რომ ევროკომისიის პრეზიდენტთან ნავთობისა და გაზის გაყიდვიდან რუსეთის ჭარბი მოგების შესაზღუდად ნაბიჯების კოორდინირება მოახდინა.