კურტ უოლკერი - რუსეთსა და უკრაინას შორის ნებისმიერი მოლაპარაკება უნდა ეფუძნებოდეს წინაპირობას, რომ რუსულმა ძალებმა უკრაინის მთელი ტერიტორია დატოვონ

ჩვენ დასავლეთიდან მკაფიოდ უნდა განვაცხადოთ, რომ ნებისმიერი მოლაპარაკება რუსეთსა და უკრაინას შორის ომის დასრულების შესახებ უნდა ეფუძნებოდეს იმ წინაპირობას, რომ რუსეთის ძალებმა უკრაინის მთელი ტერიტორია დატოვონ, მთელი ტერიტორია, - ამის შესახებ უკრაინაში აშშ-ის სახელმწიფო დეპარტამენტის ყოფილმა სპეციალურმა წარმომადგენელმა კურტ უოლკერმა თბილისში მიმდინარე კონფერენციაზე „დიდება უკრაინას“ განაცხადა.

მისი თქმით, აუცილებელია, რომ დასავლეთმა უკრაინას შორ მანძილზე მოქმედი არტილერია, ტანკები და საბრძოლო თვითმფრინავები მიაწოდოს.

„ჩვენ უნდა მივაწოდოთ რაც შეიძლება შორ მანძილზე მოქმედი არტილერია, გამანადგურებელი თვითმფრინავი, ტანკები და საჰაერო თავდაცვის სისტემები მშვიდობიანი მოსახლეობის დასაცავად“, - აღნიშნა უოლკერმა.

მისივე თქმით, აუცილებელია, უკრაინის ეკონომიკისთვის დახმარების გაწევა.

„უნდა გავაგრძელოთ უკრაინის ეკონომიკის გადატვირთვა. ომის გამო უკრაინის ეკონომიკა დაახლოებით 30%-ით შემცირდა. უმუშევრობა დაახლოებით 30%-ია. ჩვენ გვჭირდება კერძო სექტორის დაბრუნება და მე შევთავაზებდი, რომ ევროკავშირმა, აშშ-მა, კანადამ, გაერთიანებულმა სამეფომ დანიშნოს სპეციალური კოორდინატორი უკრაინის აღდგენისთვის, რომ ვიმუშაოთ უკრაინასთან ერთად კერძო ეკონომიკის ხელახლა დასაბრუნებლად”, - აღნიშნა უოლკერმა.

სტეპან გრიგორიანი - უახლოეს 2-3 თვეში არსებობს იმის შანსი, რომ თურქეთ-სომხეთის საზღვარი მესამე ქვეყნის მოქალაქეებისა და დიპლომატებისთვის გაიხსნას
ქართული პრესის მიმოხილვა 24.06.2024
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
კახა ოქრიაშვილი - საქართველოსთვის ევროკავშირის კანდიდატი ქვეყნის სტატუსი გაყინულია, რაც იმას ნიშნავს, რომ გაყინულია პერსპეტივა ქართველი მასწავლებლის საშუალო ხელფასი 4 500 ლარი გახდეს
კახა ოქრიაშვილი - 2016 წელს 2 მილიონი „ოცნებას“ გადავუხადე თუ პირადად ბატონ ივანიშვილს?