ნიკა გვარამიას ციხეში მონახულებასთან დაკავშირებით მოთხოვნა გავაგზავნეთ, რაზედაც ძალიან სწრაფი და ძალიან ოფიციალური პასუხი მივიღეთ, ჯერჯერობით უარი გვითხრეს, მეორე წერილიც გავაგზავნეთ, იმედი გვაქვს, რომ ნებართვას მივიღებთ. ასე რომ, ეს საკითხი ჯერ კიდევ განხილვის პროცესშია, - ამის შესახებ ევროპარლამენტარმა ვიოლა ფონ კრამონმა ჟურნალისტებთან საუბარში განაცხადა.
მისი თქმით, ნიკა გვარამია უკანონო პატიმრობაში იმყოფება.
„მსურს, გამოვხატო სოლიდარობა ნიკა გვარამიას მიმართ, ეს არის აბსოლუტურად გაუმართლებელი საქმე. ის უკანონო პატიმრობაში იმყოფება და ჩვენ უნდა გავზარდოთ ინფორმირებულობა ამის შესახებ არა მხოლოდ აქ, საქართველოში, არამედ საერთაშორისო დონეზეც“, - აღნიშნა ევროპარლამენტარმა.
