ევროკომისიამ მოამზადა ინიციატივები რუსეთის ფედერაციის მიერ შექმნილ ენერგეტიკულ კრიზისთან საბრძოლველად, - ამის შესახებ ევროკომისიის ხელმძღვანელმა ურსულა ფონ დერ ლაიენმა Twitter-ზე განაცხადა.

მან აღნიშნა, რომ პუტინი ცდილობს გამოიყენოს ენერგია იარაღად მიწოდების შემცირებით და ევროპული ბაზრების მანიპულირებით. მისი თქმით, რუსეთის პრეზიდენტი წარმატებას ვერ მიაღწევს, რადგან ევროკავშირი წინააღმდეგობას გაუწევს.

ევროკომისიის მიერ შემუშავებულ წინადადებებს შორის არის ელექტროენერგიაზე მოთხოვნის შემცირება, რუსული მილსადენის გაზზე ფასის ლიმიტირება, მოწყვლადი მომხმარებლების დახმარება, ელექტროენერგიის მწარმოებლების მხარდაჭერა, რომლებსაც ფასის ცვლილების გამო ლიკვიდურობის პრობლემა ექმნებათ.