უკრაინის მიერ ქვეყნის სამხრეთში კონტრშეტევის დაწყების გამო, სეპარატისტები იძულებული გახდნენ, ე,წ. „რეფერენდუმის“ ჩატარება გადაედოთ, - ინფორმაციას The Guardian-ი ავრცელებს.

გამოცემის ცნობით, მოსკოვის მიერ მხარდაჭერილი ხერსონის ადმინისტრაციის ე.წ. ხელმძღვანელის, კირილ სტრემუსოვის განცხადებით, რუსეთთან შეერთების საკითხზე „რეფერენდუმის“ ჩატარების გეგმა უსაფრთხოებასთან დაკავშირებული ვითარების გამო შეჩერებულია.

რუსეთის მიერ დანიშნული ადგილობრივი ადმინისტრაციის წარმომადგენლები მანამდე ირწმუნებოდნენ, რომ რუსეთთან შეერთების შესახებ რეფერენდუმი სექტემბერში ჩატარდებოდა.

მსგავსი რეფერენდუმი დაიგეგმა ზაპოროჟიეს, დონეცკისა და ლუგანსკის ოლქებშიც.