პაატა მანჯგალაძე - დეპოლარიზება როგორ მოხდება იმ პირობებში, როცა „ქართულმა ოცნებამ“თითქმის სახელმწიფო იდეოლოგიად გამოაცხადა ანტიდასავლური, ანტიამერიკული რიტორიკა

მზად ვართ დავუჭიროთ მხარი ნებისმიერ ინიციატივას, რომელიც მოემსახურება 12 პუნქტიანი რეკომენდაციების შესრულებას, - ამის შესახებ საპარლამენტო პოლიტიკური ჯგუფის „რეფორმების ჯგუფის“ წევრმა პაატა მანჯგალაძემ პარლამენტის პლენარულ სხდომაზე განაცხადა.

პაატა მანჯგალაძემ პოზიცია „სტრატეგია აღმაშენებლის“ სახელით დააფიქსირა.

„ჩვენი პოზიციაა, რომ საქართველოს, საქართველოს მოქალაქეს, საქართველოს პარლამენტს იმაზე დიდი ეროვნული ამოცანა, ვიდრე არის საქართველოსთვის კანდიდატის სტატუსის მიღება და შემდეგ ევროკავშირში გაწევრიანება, ნამდვილად არა გვაქვს. შესაბამისად, კიდევ ერთხელ ვაფიქსირებ პოზიციას: მზად ვართ დავუჭიროთ მხარი ნებისმიერ ინიციატივას, რომელიც მოემსახურება 12 პუნქტიანი რეკომენდაციების შესრულებას, მათ შორის დეპოლარიზებასთან დაკავშირებით. მაგრამ ამისთვის თქვენ უნდა შექმნათ წინაპირობები. დეპოლარიზება როგორ მოხდება იმ პირობებში, როცა „ქართულმა ოცნებამ“ მთავარ იდეოლოგიად - სახელმწიფო იდეოლოგიად გამოაცხადა ლამის ანტიდასავლური, ანტიევროპული, ანტიამერიკული რიტორიკა, რაც თავისთავად ანტიქართულს ნიშნავს, იმიტომ, რომ სხვა გზა, გარდა რუსული ჭაობისა არ არსებობს. სწორედ ამაში გამხელთ და ამაში გიპირისპირდებით. როგორც კი შეცვლით, ამ ნაწილში კითხვის ნიშნები მოიხსენება“, - განაცხადა პაატა მანჯგალაძემ.

ისრაელის ელჩი - ამ მომენტში ორი ფრონტი გვაქვს, თუმცა ომის გაფართოების შესაძლებლობა არსებობს
მარკეტა გრეგოროვა - კანონის ყველაზე დიდი პრობლემა მისი მიზანია - ის ევროპული გზიდან რუსეთის გზაზე გადასვლას ნიშნავს - მინდა ვუთხრა საქართველოს მოქალაქეებს, რომ საოცარი ხალხი ხართ და ასე გააგრძელეთ
მარინა ჩიტაშვილი - კანონის მიღების შემდეგ არჩევნების მარათონი დაიწყო, საარჩევნო მარათონს კი სხვა ტაქტიკა სჭირდება, არჩევნებში სპრინტერის ტაქტიკით ვერ ირბენ, სტაერის ტაქტიკა სჭირდება
ქართული პრესის მიმოხილვა 30.05.2024
Samsung წარმოგიდგენთ პრემიუმ Bespoke French Door მაცივარს
„ბრიტანულ-ქართული აკადემიის“ დამფუძნებელი პარტნიორი ნათია ჯანაშია „საქართველოს კაპიტალთან“ დადებული ხელშეკრულებიდან გადის
2024 წლის ახალი ტოიოტა ლენდ კრუიზერ პრადო - სულ მალე საქართველოში