ანა ნაცვლიშვილი - ვერ მოვისმინეთ ვერცერთი კონკრეტული არგუმენტი, რაც გაამართლებდა „ქართული ოცნების” პოზიციას, რატომ გაუზარდეს ტოტალურად ძალოვან უწყებებს მოქალაქეების კონტროლის შესაძლებლობა

„ლელოს“ წევრის, ანა ნაცვლიშვილის განცხადებით, „ქართულმა ოცნებამ“ მოსმენებისა და თვალთვალის შესაძლებლობა იმიტომ გააფართოვა, რომ „როგორც კი მათი პასუხისმგებლობის საკითხი დადგება, ფორმალური არგუმენტი ჰქონდეთ, რომ თითქოს ამ მოქმედებებს კანონიერად ახორციელებდნენ”.

როგორც ნაცვლიშვილმა აღნიშნა, მმართველ პარტიას არ აქვს არცერთი არგუმენტი, თუ რატომ შეცვალა „მოსმენების შესახებ” კანონი.

„მთელი ამ პერიოდის განმავლობაში ვერ მოვისმინეთ ვერცერთი კონკრეტული არგუმენტი, კვლევა, სტატისტიკა ან შესწავლილი მასალა, რაც გაამართლებდა „ქართული ოცნების” პოზიციას, რატომ შეცვალეს ეს კანონი და რატომ გაუზარდეს ტოტალურად ძალოვან უწყებებს მოქალაქეების კონტროლის შესაძლებლობა. მათ გააფართოვეს კანონით მოსმენებისა და თვალთვალის შესაძლებლობა. ჩემი ღრმა რწმენით, ამას აკეთებენ იმიტომ, რომ რასაც აქამდე უკანონოდ სჩადიოდნენ, ახლა უნდათ ფორმალურად გახადონ კანონიერი. იმიტომ, რომ როგორც ძალოვან უწყებებში მომუშავე ადამიანები, ასევე “ქართული ოცნების” წარმომადგენლები ხვდებიან, რომ უკანონო საქმიანობისთვის, რასაც აწარმოებენ, ადრე თუ გვიან სამართალი მიაკითხავს. დაზღვევას იკეთებენ, რომ როგორც კი მათი პასუხისმგებლობის საკითხი დადგება, ფორმალური არგუმენტი ჰქონდეთ, რომ თითქოს ისინი კანონიერად ახორციელებდნენ ამ მოქმედებებს. მაგრამ ეს ფორმალური არგუმენტი მართლმსაჯულების განხორციელებას ვერ შეაფერხებს”,- განაცხადა ანა ნაცვლიშვილმა.

ცნობისთვის, პარლამენტმა ე.წ. მოსმენების კანონთან დაკავშირებით პრეზიდენტის ვეტო დაძლია.

„სისხლის სამართლის საპროცესო კოდექსში" ცვლილებების პროექტი პარლამენტმა 7 ივნისს დაამტკიცა.

მიღებული კანონპროექტით, სისხლის სამართლის იმ დანაშაულთა ჩამონათვალი იზრდება, რომელთა მიმართებაშიც ფარული საგამოძიებო მოქმედებების ჩატარება იქნება შესაძლებელი. ასევე იზრდება ფარული საგამოძიებო მოქმედებების ჩატარების ვადები. გარდა ამისა, მიღებული ცვლილებებით, ფარული საგამოძიებო მოქმედებების ჩატარების შესახებ იმ პირისთვის შეტყობინება, ვის მიმართაც ფარული საგამოძიებო მოქმედება ჩატარდა, განუსაზღვრელი დროით შეიძლება გადავადდეს.

გიორგი კაჭარავა - უკრაინაში ომის მეორე წლისთავზე საქართველოსთვის ცხადად ჩანს, რომ ევროკავშირის და ნატო-ს წევრობა უალტერნატივოა ეროვნული უსაფრთხოებისა და კეთილდღეობისთვის
ბავშვთა მიმართ სექსუალური ხასიათის დანაშაულები და მასთან დაკავშირებული პრობლემები - როგორ ამოვიცნოთ მოძალადე და როგორ უნდა დაეხმაროს მშობელი შვილს მომხდარის გადატანაში? - ფსიქოლოგის რეკომენდაციები
ქართული პრესის მიმოხილვა 22.02.2024
გამორჩეული სიახლე - ახალი HONOR X8b სმარტფონის განხილვა
ჰიუნდაი ავტო საქართველოში შერჩეულ მოდელებზე მწარმოებლის ბონუსს მიიღებთ
ტერაბანკის პარტნიორობით, ილიას სახელმწიფო უნივერსიტეტში პრე-აქსელერაციის პროგრამა დასრულდა
ამერიკის შეერთებული შტატების ელჩი საქართველოს უნივერსიტეტს ესტუმრა
მსოფლიოს წამყვანი ტექნოლოგიური კომპანიის, Salesforce-ის ოფიციალური წარმომადგენელი და პარტნიორი კომპანია INSPARK, საქართველოში იწყებს ოპერირებას