ბრიტანეთის ახლად არჩეულმა პრემიერ - მინისტრმა ლიზ ტრასმა ახალ პოსტზე დანიშვნის შემდეგ, თავის პირველი სიტყვა წარმოთქვა, რა დროსაც მადლობა გადაუხადა თავის წინამორბედს, ბორის ჯონსონს.

„ბორის ჯონსონმა უზრუნველყო Brexit, COVID-ის ვაქცინის შექმნა და წინ აღუდგა რუსეთის აგრესიას. ის ისტორიაში დარჩება, როგორც ყველაზე მნიშვნელოვანი პრემიერ-მინისტრი“, - განაცხადა ტრასმა.

მანვე აღნიშნა, რომ გაერთიანებული სამეფოს წინაშე დგას გლობალური გამოწვევები, რომლებიც გამოწვეულია უკრაინაში რუსული აგრესიით და COVID-ის პანდემიის შედეგებით, მაგრამ პირობა დადო, რომ „ბრიტანეთს გადააქცევს ქვეყნად კარგად ანაზღაურებადი სამუშაოებით, უსაფრთხო ქუჩებით, ქვეყნად, სადაც ყველას აქვს ის შესაძლებლობები, რასაც იმსახურებს".