ანტონიო გუტერეში ზაპოროჟიეს ატომური სადგურის ირგვლივ დემილიტარიზებული ზონის შექმნას ითხოვს

გაერო-ს გენერალური მდივანი, ანტონიო გუტერეში ზაპოროჟიეს ატომური ელექტროსადგურის ირგვლივ დემილიტარიზებული ზონის შექმნას ითხოვს, რაც რუსული საოკუპაციო ჯარების გაყვანას გულისხმობს.

გუტერეშმა გაერო-ს უშიშროების საბჭოს სხდომაზე სიტყვით გამოსვლისას მხარდაჭერა გამოხატა ატომური ენერგიის საერთაშორისო სააგენტოს (IAEA) გენერალური დირექტორის, რაფაელ გროსის მიერ წარდგენილი რეკომენდაციების მიმართ, რომელიც სააგენტოს მისიის ზაპოროჟიეს ატომურ ელექტროსადგურზე ვიზიტის შემდეგ გამოქვეყნდა.

გუტერეშმა ხაზი გაუსვა, რომ პირველ რიგში, რუსულმა და უკრაინულმა ძალებმა ელექტროსადგურის გარშემო ყველა სამხედრო ოპერაცია უნდა შეწყვიტონ.

“მეორე ნაბიჯი დემილიტარიზებული პერიმეტრის შესახებ შეთანხმების უზრუნველყოფა უნდა იყოს. კონკრეტულად, ეს მოიცავს რუსეთის ძალების ვალდებულებას, გაიყვანონ სამხედრო პერსონალი და აღჭურვილობა ამ პერიმეტრიდან“, - აღნიშნა გუტერეშმა.

ატომური ენერგიის საერთაშორისო სააგენტოს გუშინ წარდგენილ ანგარიშში აღნიშნულია, რომ სააგენტო "სერიოზულად შეშფოთებულია" ელექტროსადგურზე არსებული "უპრეცედენტო" სიტუაციით და ბირთვული კატასტროფის თავიდან ასაცილებლად დროებითი ზომების მიღებას ითხოვს.

ვახტანგ ძაბირაძე - ემოციური ზაფხული და არანაკლებ სახიფათო შემოდგომა გველის
ქართული პრესის მიმოხილვა 20.05.2024
ოლეგ ჟდანოვი -  პუტინმა  შეცვალა  უკრაინაში  ომის  პარადიგმა, მას კარგად ესმის, რომ რუსული არმია ნებისმიერ დროს შეიძლება ჩამოიშალოს
ლოპოტა კერამიკული ქანდაკებების საერთაშორისო სიმპოზიუმს Bird of Paradise 2024-ს მასპინძლობს