მამუკა მდინარაძე - სოსო გოგაშვილმა თავისი განცხადებები მაშინ დაასრულა, მოსკოვში სიები იგზავნებოდაო რომ ჰყვებოდა - გოგაშვილი საქართველოსა და ქართული პოლიციის წინააღმდეგ არის მხოლოდ „აგენტ-ინსტრუმენტი“

სოსო გოგაშვილმა თავისი განცხადებები მაშინ დაასრულა, მოსკოვში სიები იგზავნებოდაო რომ ჰყვებოდა. გულწრფელად თანავუგრძნობ ყველა ადამიანს, რომელსაც სჯერა, რომ საქართველოს ხელისუფლება მოსკოვში შესათანხმებლად რაღაც სიებს აგზავნის, - ასე აფასებს „ქართული ოცნების“ აღმასრულებელი მდივანი მამუკა მდინარაძე სუს-ის უფროსის ყოფილი მოადგილის, სოსო გოგაშვილის მიმართვას, რომელიც „ქართულ-რუსული სპეცსამსახურების თანამშრომლობის კონკრეტულ მაგალითებზე" საუბრობს და ამტკიცებს, რომ „ხანდახან ტვირთები ისე გადის, რომ საზღვარზე საერთოდ არ ფიქსირდება“.

მამუკა მდინარაძის შეფასებით, სოსო გოგაშვილი საქართველოსა და ქართული პოლიციის წინააღმდეგ არის მხოლოდ „აგენტ-ინსტრუმენტი“.

"იშვიათად შემხვედრია ისეთი პატიოსანი და პატრიოტი ადამიანი, როგორიც ვახტანგ გომელაურია, სოსო გოგაშვილი კი საქართველოს და ქართული პოლიციის წინააღმდეგ არის მხოლოდ ინსტრუმენტალური აგენტი, აგენტ-ინსტრუმენტი. მას იყენებენ „ტვ პირველის“ ნიუსრუმში მოგონილი ამბების საფუძვლად. მითხარით ერთი ფაქტი იმ დოკუმენტებში, რომელიც მის მონათხრობს ადასტურებდა“, - აღნიშნა მამუკა მდინარაძემ.

ლევან ლორთქიფანიძე - აღმასრულებელი და საკანონმდებლო ორგანოების საგარეო პოლიტიკა არ არის აცდენილი ერთმანეთს - დარწმუნებული ვარ, ვენეციის კომისიის რეკომენდაციების უარყოფის გადაწყვეტილება ირაკლი კობახიძის გარეშე არ მიღებულა
ქართული პრესის მიმოხილვა 26.02.2024
ახალ სტრატეგიულ პერიოდში „პაშა ბანკი საქართველო“ მიზნად ისახავს, გახდეს ერთ-ერთი მთავარი არჩევანი ადგილობრივი კორპორატიული მომხმარებლებისთვის