მამუკა მდინარაძე - საპარლამენტო უმრავლესობა ერთსუბიექტიანი აღარ არის - დღეს უმრავლესობა შედგება ფრაქცია „ქართული ოცნებისა“ და ოთხი დამოუკიდებელი დეპუტატისგან

საპარლამენტო უმრავლესობა ერთსუბიექტიანი აღარ არის - დღეს უმრავლესობა შედგება ფრაქცია „ქართული ოცნებისა“ და ოთხი დამოუკიდებელი დეპუტატისგან, - ეს განმარტება ფრაქცია „ქართული ოცნების“ თავმჯდომარემ მამუკა მდინარაძემ კაჭრეთში, “ქართული ოცნების“ დეპუტატებისა და სამთავრობო გუნდის გასვლით სხდომაში “ქართული ოცნებიდან“ გასული ოთხი დეპუტატის მონაწილეობის თაობაზე დასმული კითხვის პასუხად გააკეთა.

როგორც მდინარაძე აცხადებს, “მათ გადაწყვიტეს, რომ უმრავლესობის გადაწყვეტილებებს მხარი დაუჭირონ, რაც ავტომატურად უმრავლესობის წევრობას ნიშნავს“.

„პარლამენტის რეგლამენტში კარგად რომ ჩაგეხედათ, კითხვა საერთოდ არ გაჩნდებოდა: - ბრიფინგზე, სადაც მათი ფრაქციიდან გასვლის თაობაზე ვილაპარაკე, უმრავლესობა არ მიხსენებია. ეს სპეციალურად იყო, რადგან მართალი ვყოფილიყავით, მათ შორის ფორმალური თვალსაზრისითაც კი. მათ დატოვეს ფრაქცია "ქართული ოცნება“, დატოვეს პარტია და საპარლამენტო თანამდებობები. უმრავლესობა რომ დაეტოვებინათ, ვიტყოდი, რომ უმრავლესობაც დატოვეს, მაგრამ ასეთი რამ არ მითქვამს.

რეგლამენტის მიხედვით, არის უმრავლესობის სია. ეს სია მხარდაჭერის ნიშნით კომპლექტდება. ნებისმიერმა სხვა დეპუტატმა რომ თქვას, რომ მხარს უჭერს ბიუჯეტს, მთავრობას, უმრავლესობის გადაწყვეტილებებს, ის ავტომატურად უმრავლესობის წევრი გახდება და ამ ადამიანს უმრავლესობიდან ვერავინ გაუშვებს. რადგან ისინი უმრავლესობის გადაწყვეტილებებს უჭერენ მხარს, ავტომატურად უმრავლესობის წევრებად ითვლებიან. იმ დღეს იყო არა ფრაქციის ან პარტიის სხდომა, არამედ უმრავლესობის წარმომადგენლების შეხვედრა“, - აცხადებს მამუკა მდინარაძე.

მირიან მირიანაშვილი - თუ დასავლეთმა სალომე ზურაბიშვილის პროექტი არ დაქოქა, პრობლემები ხელისუფლებას შეიძლება დაეწყოს არა არჩევნებამდე, არამედ არჩევნების შემდეგ
ოჯახური ძალადობა, სამუშაო ადგილებზე სექსუალური ხასიათის არასასურველი ქცევა, პოლიციის მხრიდან ძალის გადამეტება და ბავშვთა უფლებების დარღვევა - რა შინაარსის ზარები ხორციელდება სახალხო დამცველის „ცხელ ხაზზე“
„პერსონალურ მონაცემთა დაცვის შესახებ“ ახალი კანონი ამოქმედდა - რა სიახლეები შემოდის პერსონალურ მონაცემთა დაცვის სფეროში?
ქართული პრესის მიმოხილვა 29.02.2024
„ფარმადეპოში“ გაზაფხულის ფასდაკლებები დაიწყო
კახა ოქრიაშვილი - აზარაშვილის გადაყენება არასაკმარისია - არამხოლოდ მე, არამედ მთელი ჯანდაცვა ვითხოვთ მისი დანაშაულებრივი ქმედებების სიღრმისეულ გამოძიებას!