შოტლანდიის დედაქალაქ ედინბურგში დედოფალ ელისაბედ II-სთან გამოსამშვიდობებელი ცერემონია დაიწყო. ამის შესახებ ინფორმაციას BBC ავრცელებს.

ლონდონის დროით 14:00 საათზე ედინბურგის ცენტრში პროცესია გაიმართა და დედოფლის ცხედარი ჰოლირუდის სასახლიდან ედინბურგის საკათედრო ტაძარში გადმოასვენეს. პროცესიას დედოფალის შვილები მიჰყვებოდნენ.

ბრიტანეთის დროით 17:00 საათისთვის ტაძარში სამოქალაქო პირებს შეუშვებენ, რომლებსაც დედოფლისთვის პატივის მიგება სურთ.

მსვლელობის დაწყებამდე ქუჩებში ათასობით ადამიანი შეიკრიბა და საკათედრო ტაძარში შესასვლელად რიგში დგას.

მობილურ ტელეფონზე აკრძალულია მოვლენების ფოტო და ვიდეო გადაღება, ადამიანებს ასევე სთხოვეს, თან წაეღოთ საკუთარი საკვები და წყალი, რადგან შესაძლოა რამდენიმე საათის ლოდინი მოუწიოთ.

ედინბურგის საკათედრო ტაძარში დედოფალი ელისაბედის ცხედარი ერთი დღე-ღამის განმავლობაში დარჩება, ამის შემდეგ მას ლონდონში გადაასვენებენ.