გაეროს უკანასკნელი მონაცემებით, მხოლოდ მიმდინარე თვეში თვეში უკრაინაში, თითქმის, 100 მშვიდობიანი მოქალაქე დაიღუპა.
გაერთიანებული ერების ორგანიზაციის ახალი ანგარიშის თანახმად, ომის დაწყების შემდეგ, დაღუპულთა საერთო რაოდენობამ, თითქმის, 6 000-ს მიაღწია.
უფრო კონკრეტულად, გაეროს ადამიანის უფლებათა უმაღლესმა კომისრის ანგარიშის თანახმად, 24 თებერვლიდან 11 სექტემბრის ჩათვლით კონფლიქტის შედეგად 5 827 მშვიდობიანი მოქალაქე დაიღუპა, 8 421 კი დაშავდა.
მხოლოდ ამ თვეში გაეროს მისიამ დააფიქსირა 96 უკრაინელი მოკლული და 266 დაჭრილი.
„ფაქტობრივი მაჩვენებლები სავარაუდოდ მნიშვნელოვნად მაღალია“ , - აცხადებს ორგანიზაცია, რომლის მიხედვითაც, ინფორმაციის მოძიება და გადამოწმება კონფლიქტით დაზარალებულ რაიონებში რთულია.
მოხსენების თანახმად, სამოქალაქო მოსახლეობაში მსხვერპლი ძირითადად, მძიმე არტილერიით დაბომბვის, რაკეტების, საჰაერო თავდასხმების და სხვა ფართო რადიუსის ასაფეთქებელი იარაღით იყო გამოწვეული.