ფინეთის საგარეო უწყებაში განმარტავენ, რომ ქვეყანა არ შეწყვეტს რუსებზე ტურისტული ვიზების გაცემას, თუმცა მათ მოუწევთ უფრო მეტი დრო და ძალისხმევა დახარჯონ ვიზის მისაღებად

ფინეთი არ შეწყვეტს რუსეთის მოქალაქეებზე ტურისტული ვიზების გაცემას. როგორც ქვეყნის საგარეო უწყებაში განმარტავენ, ისინი ამისთვის შესაბამის კანონიერ საფუძველს ვერ ხედავენ.

ინფორმაციას ფინეთის საგარეო საქმეთა სამინისტროს საკონსულო დეპარტამენტის სპიკერმა იუსი ტანერი ავრცელებს.

„ვიზების გაცემის სრული შეწყვეტა ან ტურისტული ვიზების გაცემის შეწყვეტა ის ზომაა, რომლისთვისაც ვერ ვპოულობთ სამართლებრივ საფუძველს“, - განაცხადა ტანერმა.

მისივე განმარტებით, რუსეთის მოქალაქის თითოეული განცხადება ინდივიდუალურად იქნება განხილული.

ტანერმა განმარტა, რომ ევროკავშირსა და რუსეთს შორის სავიზო რეჟიმის გამარტივების შესახებ შეთანხმების შეჩერების შესახებ პოლიტიკური შეთანხმების მიღწევის შემდეგ, რუსებისთვის ვიზის ღირებულება 35 ევროდან 80 ევრომდე გაიზარდა. გაფორმების დრო კი 10-დან 15 დღემდე გაიზარდა.

„რუსები ახლა ვიზაზე მიმართავენ ისევე, როგორც უზბეკეთის ან მონღოლეთის მოქალაქეები. მათ მოუწევთ მეტი დრო და ძალისხმევა დახარჯონ დოკუმენტების შეგროვებაზე, რუსეთის ფედერაციის მოქალაქეებს არანაირი უპირატესობა აღარ აქვთ“, - განაცხადა დიპლომატმა.

გიორგი კაჭარავა - აფხაზეთის ექსპანსიისთვის რუსეთი ახალ მექანიზმებს ამუშავებს
ქართული პრესის მიმოხილვა 25.07.2024
„ვისოლ ჯგუფმა“ თბილისის საერთაშორისო აეროპორტში „საბვეის“ მე-16 რესტორანი გახსნა
კახა ოქრიაშვილი - „ოცნების“ ორმაგი და სამმაგი თამაში ომამდე მიგვიყვანს
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო