საპარლამენტო ოპოზიციის ნაწილი არასამთავრობო სექტორთან მართლმსაჯულების რეფორმასთან დაკავშირებით შემაჯამებელ სამუშაო შეხვედრას მართავს

საპარლამენტო ოპოზიციის ნაწილი არასამთავრობო სექტორთან მართლმსაჯულების რეფორმასთან დაკავშირებით შემაჯამებელ სამუშაო შეხვედრას მართავს. როგორც ოპოზიციონერები მედიასთან აცხადებენ, რეფორმა უნდა მოიცავდეს იუსტიციის საბჭოს დაკომპლექტების, ასევე მოსამართლეების და სასამართლოს თავმჯდომარეების როლს, მოსამართლეთა შერჩევა- დანიშვნას, დისციპლინირებას და ა.შ.

ანა ნაცვლიშვილის თქმით, ყველა მნიშვნელოვან კარიერულ ეტაპზე, რაც მოსამართლემ უნდა გაიაროს, ის მოწყვლადია გავლენიანი ჯგუფის მიერ, რაც იმას ნიშნავს, რომ მოქალაქეა მოწყვლადი. მისივე განცხადებით, თუკი კონკრეტული მოქალაქის საქმით ვინმე დაინტერესდება, საქმის განმხილველ მოსამართლეზე ზემოქმედების 10-ზე მეტი ბერკეტი აქვს სისტემას და მნიშვნელოვანია მას ეს ბერკეტები გამოეცალოს.

"რეფორმა რეფორმისთვის ვერ ჩაითვლება 12 პუნქტის შესრულებად და ამის გამო საქართველოს არავინ მისცემს სტატუსს. ჩვენ გვჭირდება რეალური რეფორმა, რომელიც პრობლემებისთვის თვალის გასწორებით უნდა განხორციელდეს. დღევანდელ შეხვედრაზე ერთ-ერთი აქტუალური საკითხია საბჭოს დაკომპლექტება, რადგან თვეებია უმრავლესობა ბლოკავს პარლამენტში ამ საკითხს, მაგრამ ეს არ არის ერთადერთი საკითხი, რადგან რეფორმა ბევრ სხვა თემას ერთდროულად უნდა შეეხოს",- განაცხადა ნაცვლიშვილმა.

ბიძინა ლებანიძე - სრულიად გაუგებარია, ან ხელისუფლების მხარდამჭერებს რა უხარიათ და ან ხელისუფლების ოპონენტებს, რეალურად, მნიშვნელოვანი ცვლილება ევროპარლამენტის არჩევნების შედეგად არ მომხდარა
გიორგი ცუცქირიძე - ლარის კურსის ვარდნა ეკონომიკაში ფუნდამენტურ ცვლილებებს არ უკავშირდება და აჟიოტაჟის შედეგი იყო
ქართული პრესის მიმოხილვა 13.06.2024
„მოირგე დრო“ -  დეველოპერული კომპანია „ბიოგრაფი ლივინგის“ ახალი საკომუნიკაციო კამპანია
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი