სომხეთ-აზერბაიჯანის საზღვრის გასწვრივ ბრძოლები და ინტენსიური დაბომბვა, რომლის შესახებაც ინფორმაცია ვრცელდება, დაუყოვნებლივ უნდა შეწყდეს, - ამის შესახებ ევროკავშირის სპეციალური წარმომადგენელი სამხრეთ კავკასიასა და საქართველოში კრიზისის საკითხებში ტოივო კლაარი „ტვიტერზე“ წერს.
მისი თქმით, ევროკავშირი მჭიდრო კავშირშია მხარეებთან, რათა ხელი შეუწყოს დეესკალაციას.
შეგახსენებთ, წუხელ აზერბაიჯან-სომხეთის საზღვარზე ორი ქვეყნის სამხედრო ქვედანაყოფებს შორის ინტენსიური შეტაკებები მოხდა, რასაც, გავრცელებული ინფორმაციით, მსხვერპლი მოჰყვა. მხარეები კონფლიქტსა და ზარალზე პასუხისმგებლობას ერთმანეთს აკისრებენ.