ნიკოლ ფაშინიანი - ამ დროისთვის არსებული ინფორმაციით, შეტაკებების შედეგად 49 გარდაცვლილი გვყავს

სომხეთის პრემიერ-მინისტრის, ნიკოლ ფაშინიანის განცხადებით, ამ დროისთვის არსებული ინფორმაციით, აზერბაიჯანი-სომხეთის საზღვარზე მომხდარი შეტაკებების შედეგად 49 სომეხი სამხედო დაიღუპა.

„ამ დროისთვის თავდაცვის სამინისტროს მიერ დადასტურებული ინფორმაციით, 49 დაღუპული გვყავს, მაგრამ ეს რიცხვი, სამწუხაროდ, საბოლოო არ არის“, - აღნიშნა ფაშინიანმა.

მისი თქმით, სანამ არიან ადამიანები, რომლებიც მზად არიან გადამწყვეტ მომენტში სამშობლოსთვის სიცოცხლე გაწირონ, ეს ნიშნავს, რომ სომხეთს სუვერენიტეტი აქვს და ექნება.

„ჩვენი ჯარისკაცები თავდაუზოგავად და გმირულად იბრძოდნენ. ხაზგასმით უნდა აღვნიშნო, რომ ამაზეა დაფუძნებული ჩვენი სახელმწიფოებრიობა, ჩვენი დამოუკიდებლობა, ჩვენი სუვერენიტეტი და სანამ არიან ადამიანები, რომლებიც მზად არიან გადამწყვეტ მომენტში სამშობლოსთვის სიცოცხლე გაწირონ, ეს ნიშნავს, რომ სომხეთს აქვს და ექნება სუვერენიტეტი და სომხეთის სახელმწიფოებრიობა იქნება მარადიული“, - აღნიშნა მან.

ალექსანდრე თვალჭრელიძე - თუ პრემიერი ფიქრობს, რომ რუსეთთან ეკონომიკური ურთიერთობების შენელება ცუდია საქართველოსთვის, იგი ცდება
ქართული პრესის მიმოხილვა 29.05.2023
სტეპან გრიგორიანი - თუ აზერბაიჯან-სომხეთს შორის ურთიერთობები დალაგდა, ევროპასთან ჩინეთის დამაკავშირებელი რკინიგზის პროექტში სომხეთი იქნება გათვალისწინებული, მანამდე კი ამ თემაზე საუბარი შეუძლებელია
PSP გილოცავთ საქართველოს დამოუკიდებლობის დღეს
„იდეა დეველოპმენტი“ კიდევ ერთი პროექტის სამშენებლო სამუშაოების დასრულებას აანონსებს