მსოფლიო ბანკის ვიცე-პრეზიდენტი - საუკეთესო რეცეპტი მდგრადი ეკონომიკის ასაშენებლად რეფორმების განხორციელებაა

ჩვენ ვხედავთ რეფორმებზე მდგრადი ფოკუსირების სარგებელს, ყოველთვის ვამბობ, რომ საუკეთესო რეცეპტი მდგრადი ეკონომიკის ასაშენებლად, რეფორმების განხორციელებაა, - ამის შესახებ მსოფლიო ბანკის ვიცე-პრეზიდენტმა ევროპასა და ცენტრალურ აზიაში, ანა ბიერდემ განაცხადა.

მისი თქმით, 2020 წელი კოვიდთან ერთად, რა თქმა უნდა, რთული წელი იყო მსოფლიოსთვის და საქართველოსთვისაც, 2021 წელს კი მნიშვნელოვანი ზრდა დაფიქსირდა.

„ბოლო რამდენიმე წელი წარმოუდგენლად რთული იყო. გვქონდა 2020 წელი კოვიდთან ერთად. რა თქმა უნდა, რთული წელი იყო მსოფლიოსთვის და საქართველოსთვისაც. 2021 წელი აღმშენებლობის წელი იყო. საქართველომ წარმოუდგენლად კარგად მიაღწია ზრდას და წელსაც იყო სხვადასხვა ეტაპი. ვიცოდით, რომ 2022 შეიძლებოდა არ ყოფილიყო ისეთი ძლიერი, როგორც 2021, მაგრამ რასაც ახლა ვხედავთ რეგიონში, რეალურად არის ძალიან მნიშვნელოვანი ზრდის ტემპები, და ეს იმიტომ ხდება, რომ ჩვენ ვნახეთ ტურიზმის განახლება რეგიონში, რაც ძალიან კარგია. ჩვენ ვხედავთ ძლიერ საგარეო მოთხოვნებს ექსპორტზე, რაც ასევე კარგია და ჩვენ ასევე ვხედავთ რეფორმებზე მდგარი ფოკუსირების სარგებელს, რომელზეც მე ყოველთვის ვამბობ, რომ საუკეთესო რეცეპტია მდგრადი ეკონომიკის ასაშენებლად რეფორმების განხორციელება“, - აღნიშნა მსოფლიო ბანკის ვიცე-პრეზიდენტმა.

მან ხაზი გაუსვა, რომ წელს საქართველოსა და მსოფლიო ბანკს შორის პარტნიორობის 30 წლისთავი აღინიშნება.

„წელს ჩვენ აღვნიშნეთ საქართველოსთან პარტნიორობის 30 წელი. ალბათ საუკეთესო გზაა პასუხის გასაცემად კითხვაზე, რა გამოწვევები დგას საქართველოს წინაშე, იმ გამოწვევების გათვალისწინებით, რომელთა წინაშეც ვდგავართ რეგიონში და მართლაც მსოფლიოში, ამ კითხვაზე პასუხის საუკეთესო გზა არის თვალის გადავლება იმისთვის, თუ როგორ განვითარდა საქართველო ამ 30 წლის განმავლობაში. დამოუკიდებლობის მოპოვებიდან დაწყებული დამოუკიდებლობის შემდგომი პირველი წლები ძალიან, ძალიან რთული იყო, მაგრამ საქართველო, თავდადებითა და კრეატიულობით, რეალურად გაუმკლავდა გამოწვევებს ნელ-ნელა, ფოკუსირება მოახდინა მომსახურების მიწოდებაზე, რაც კვლავაც ძალიან მნიშვნელოვანია, ინფრასტრუქტურის განვითარებაზე, კლიმატის საკითხებითა და მდგრადობის გათვალისწინებით, ასევე ინსტიტუციების აშენების გაგრძელებით. ინფრასტრუქტურა კვლავ მნიშვნელოვანია, მაგრამ ინფრასტრუქტურა, რომელიც დაკავშირებულია ქვეყნის მისწრაფებებთან, მოიზიდოს კერძო სექტორი და შექმნას სამუშაო ადგილები. ასე რომ, თქვენ უნდა განიხილოთ ეს საკითხი ყოვლისმომცველად და რაც მთავარია, განიხილოთ ადამიანური რესურსებისა და კაპიტალის განვითარება“, - აღნიშნა ანა ბიერდემ.

ბავშვთა მიმართ სექსუალური ხასიათის დანაშაულები და მასთან დაკავშირებული პრობლემები - როგორ ამოვიცნოთ მოძალადე და როგორ უნდა დაეხმაროს მშობელი შვილს მომხდარის გადატანაში? - ფსიქოლოგის რეკომენდაციები
ვახტანგ ხმალაძე - როცა ცესკოს მიმართ ნდობა დაბალია, არჩევნების ჩატარება სახიფათო რისკების შემცველია
ქართული პრესის მიმოხილვა 19.02.2024
ჰიუნდაი ავტო საქართველოში შერჩეულ მოდელებზე მწარმოებლის ბონუსს მიიღებთ
ტერაბანკის პარტნიორობით, ილიას სახელმწიფო უნივერსიტეტში პრე-აქსელერაციის პროგრამა დასრულდა
ამერიკის შეერთებული შტატების ელჩი საქართველოს უნივერსიტეტს ესტუმრა
მსოფლიოს წამყვანი ტექნოლოგიური კომპანიის, Salesforce-ის ოფიციალური წარმომადგენელი და პარტნიორი კომპანია INSPARK, საქართველოში იწყებს ოპერირებას
ალექსანდრე ჯეჯელავა საუბრობს 8 ცხოვრებისეულ მოლოდინზე, რომელიც ხშირად განგრევთ
სილქნეტის მაღაზიებში „National Geographic საქართველოს“ სპეციალურ ფასად შეიძენთ