ნინო დოლიძე - საქართველოში არჩევნების მიმართ ნდობა არც ისე მაღალია და ეს სხვადასხვა მიზეზითაა გამოწვეული - ნდობის ამაღლებას ტექნოლოგიები ვერ მოაგვარებს

„სამართლიანი არჩევნების“ აღმასრულებელი დირექტორის ნინო დოლიძის განცხადებით, საქართველოში არჩევნების მიმართ ნდობა არც ისე მაღალია და ეს სხვადასხვა მიზეზითაა გამოწვეული, თუმცა არჩევნებში ნდობის ამაღლებას ტექნოლოგიები ვერ მოაგვარებს. ამის შესახებ ნინო დოლიძემ „პალიტრანიუსის“ გადაცემაში „ნიუსრუმი" განაცხადა, როდესაც გამოეხმაურა ხელისუფლების მიერ დაანონსებულ ცვლილებას არჩევნების ელექტრონული წესით ჩატარების თაობაზე.

„პირველ რიგში, ვიტყვი, რომ ჩვენ სარჩევნო რეფორმას ზოგადად ძალიან სიღრმისეულად ვუყურებთ. ვფიქრობთ, რომ არც კომიტეტზე რამდენიმე მოსმენა და არც სამუშაო ჯგუფი საკმარისი არ არის ასეთი ტიპის ცვლილებებისთვის იმიტომ, რომ საარჩევნო რეფორმა გულისხმობს ყველა დაინტერესებული მხარის ჩართულობას, კონსენსუსს, მითუმეტეს ასეთი გადაწყვეტილებების დროს. საქართველოში არჩევნების მიმართ ნდობა არც ისე მაღალია და ეს სხვადასხვა მიზეზებითაა გამოწვეული, თუმცა არჩევნებში ნდობის ამაღლებას ტექნოლოგიები ვერ მოაგვარებს. არჩევნებში ნდობის ამაღლება შესაძლებელია მაშინ, როდესაც ყველა ჩართული მხარე ენდობა იმ პროცედურას, რა პროცედურითაც ტარდება არჩევნები და ასევე, ადამიანები ენდობიან საარჩევნო ადმინისტრაციას. ტექნოლოგია თავის თავში ნდობას ვერ შექმნის ან ვერ შეამცირებს თუ მის მიმართ ნდობა არ იქნება იმ პოლიტიკურ სუბიექტებს შორის, რომლებიც არჩევნებში მონაწილეობენ და თუ ზოგადად ნდობა არ იქნება არჩევნების მიმართ, მაგალითად, საარჩევნო ადმინისტრაციის მიმართ და ა.შ.

„სამართლიანი არჩევნები“ ზოგადად, ნეგატიურად არ ვართ განწყობილი ტექნოლოგიების მიმართ იმიტომ, რომ ვფიქრობთ, რომ დიახ, ნამდვილად არის შესაძლებლობა იმისა, ტექნოლოგიამ აღმოფხვრას ის ადამიანური შეცდომები რაც არის, შესაძლებელია ეს მოგვარდეს, მაგრამ ჩვენ ვსაუბრობთ იმაზე, რომ მხოლოდ არჩევნების დღე არ არის ქართული არჩევნების გამოწვევა, ამიტომ მხოლოდ ტექნოლოგია ვერ მოაგვარებს პრობლემას. კი, ეს იქნება ერთი ნაბიჯი, რომელიც შეიძლება გადაიდგას გაუმჯობესებისთვის, თუმცა აქაც, მნიშვნელოვანია კონსენსუსი სხვადასხვა პოლიტიკურ პარტიებს შორის და მხოლოდ „ქართული ოცნების“ გადაწყვეტილება არ იქნება საკმარისი, მაგრამ ნდობის გასაზრდელად ჩვენ გაცილებით მეტი რეკომენდაცია გვაქვს", -განაცხადა ნინო დოლიძემ.

შეგახსენებთ, „ქართული ოცნების“ თავმჯდომარემ, ირაკლი კობახიძემ განაცხადა, რომ შესაძლოა, არჩევნები დიდ უბნებზე ელექტრონული წესით ჩატარდეს, მცირე უბნებზე კი არა. მისი განმარტებით, არჩევნების ელექტრონულად ჩატარების ინიციატივის შემდეგ, 10% და 20%-ზე კითხვები მოიხსნება.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024