ევროკავშირი უკრაინაში შეჭრისთვის პასუხისმგებელი რუსეთის 1 206 მოქალაქისა და 108 იურიდიული პირისთვის სანქციებს ნახევარი წლით ახანგრძლივებს

ევროკავშირი უკრაინაში შეჭრისთვის პასუხისმგებელი რუსეთის 1 206 მოქალაქისა და 108 იურიდიული პირისთვის სანქციებს ნახევარი წლით ახანგრძლივებს, - ამის შესახებ ინფორმაციას ევროკავშირის საბჭო ავრცელებს.

„საბჭომ დღეს მიიღო გადაწყვეტილება დამატებით ექვსი თვით, 2023 წლის 15 მარტამდე, გაახანგრძლივოს შემაკავებელი ზომების ხანგრძლივობა მათთვის, ვინც პასუხს აგებს უკრაინის ტერიტორიული მთლიანობის, სუვერენიტეტისა და დამოუკიდებლობის შელახვისთვის ან საფრთხის შექმნისთვის“, - წერია ევროკავშირის საბჭოს განცხადებაში.

არსებული შემაკავებელი ზომები ითვალისწინებს სამოგზაურო შეზღუდვებს ფიზიკური პირებისთვის, აქტივების გაყინვას და ფონდებსა ან სხვა ეკონომიკური რესურსებზე ხელმისაწვდომობის შეზღუდვას.

„ევროკავშირი მტკიცედ გმობს რუსეთის განურჩეველ თავდასხმებს მშვიდობიანი მოსახლეობისა და სამოქალაქო ინფრასტრუქტურის წინააღმდეგ და მოუწოდებს რუსეთს დაუყოვნებლივ და უპირობოდ გაიყვანოს ყველა ჯარისკაცი და სამხედრო ტექნიკა უკრაინის მთელი ტერიტორიიდან მის საერთაშორისოდ აღიარებულ საზღვრებში. საერთაშორისო ჰუმანიტარული სამართალი დაცული უნდა იყოს. რუსეთი, ბელარუსი და ყველა, ვინც პასუხისმგებელია ომის დანაშაულებზე, პასუხს აგებს თავიანთ ქმედებებზე საერთაშორისო სამართლის შესაბამისად“, - წერია განცხადებაში.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს