ანა ნაცვლიშვილი - მადლობა კობახიძეს თვითაღიარებისთვის - საჯაროდ გაამჟღავნა რა არის გაყალბების მარჟა

მადლობა კობახიძეს თვითაღიარებისთვის - საჯაროდ გაამჟღავნა რა არის გაყალბების მარჟა - პირდაპირ დაადასტურა, 30 პროცენტი სჭირდებათ იმისთვის, რომ ის შედეგი დაიწერონ, რასაც იწერენ ხოლმე არჩევნებზე, - ამის შესახებ "ლელოს" დეპუტატმა ანა ნაცვლიშვილმა ჟურნალისტებთან განაცხადა, რითაც ირაკლი კობახიძის იმ განცხადებას გამოეხმაურა, რომლის თანახმად, ელექტრონული არჩევნები ქვეყნის მინიმუმ 70 პროცენტში ჩატარდება.

ნაცვლიშვილის თქმით, მმართველ პარტიას ხმების 30 პროცენტის გაყალბება სურს და ამიტომ გეგმავს ელექტრონულმა არჩევნებმა ქვეყნის მხოლოდ 70 პროცენტი მოიცვას.

"ელექტრონულ არჩევნებს რაც შეეხება, ეს ძალიან დიდი ხანია არის ოპოზიციის მოწოდება. ის, რომ გათვალისწინებული იქნება, ეს კარგია, მაგრამ მთავარი პრობლემა არის განცხადებაში, რომ 70 პროცენტი დაექვემდებარება ელექტრონულ არჩევნებს ანუ 30 არ დაექვემდებარება. არ ვიცი, ეს გამიზნულად მოხდა, შეცდომით თუ გადაღლილობით, მაგრამ ამით მმართველი პარტიის თავმჯდომარემ თავისდაუნებურად, საჯაროდ გაამჟღავნა, რა არის გაყალბების მარჟა - პირდაპირ დაადასტურა მან, რომ 30 პროცენტი სჭირდებათ იმისთვის, რომ ის შედეგი დაიწერონ, რასაც იწერენ ხოლმე არჩევნებზე და ამიტომ არ სურთ 30 პროცენტში ელექტრონული არჩევნები, მადლობა კობახიძეს, რომ ეს თვითაღიარება დადო,"- განაცხადა ნაცვლიშვილმა.

ცნობისათვის, „ქართული ოცნების“ თავმჯდომარემ, ირაკლი კობახიძემ განაცხადა, რომ არჩევნები ელექტრონულად საარჩევნო უბნების უმრავლესობაში ჩატარდება, რაც სულ მცირე 70 პროცენტს მოიცავს.

ბავშვთა მიმართ სექსუალური ხასიათის დანაშაულები და მასთან დაკავშირებული პრობლემები - როგორ ამოვიცნოთ მოძალადე და როგორ უნდა დაეხმაროს მშობელი შვილს მომხდარის გადატანაში? - ფსიქოლოგის რეკომენდაციები
ვახტანგ ხმალაძე - როცა ცესკოს მიმართ ნდობა დაბალია, არჩევნების ჩატარება სახიფათო რისკების შემცველია
ქართული პრესის მიმოხილვა 22.02.2024
ჰიუნდაი ავტო საქართველოში შერჩეულ მოდელებზე მწარმოებლის ბონუსს მიიღებთ
ტერაბანკის პარტნიორობით, ილიას სახელმწიფო უნივერსიტეტში პრე-აქსელერაციის პროგრამა დასრულდა
ამერიკის შეერთებული შტატების ელჩი საქართველოს უნივერსიტეტს ესტუმრა
მსოფლიოს წამყვანი ტექნოლოგიური კომპანიის, Salesforce-ის ოფიციალური წარმომადგენელი და პარტნიორი კომპანია INSPARK, საქართველოში იწყებს ოპერირებას
ალექსანდრე ჯეჯელავა საუბრობს 8 ცხოვრებისეულ მოლოდინზე, რომელიც ხშირად განგრევთ
სილქნეტის მაღაზიებში „National Geographic საქართველოს“ სპეციალურ ფასად შეიძენთ