როჯერ ფედერერმა კარიერის დასრულება გადაწყვიტა. აღნიშნული ინფორმაცია 41 წლის ჩოგბურთელმა სოციალურ ქსელში გავრცელებული მიმართვით ოფიციალურად დაადასტურა.
როგორც ლეგენდარულმა შვეიცარიელმა ჩოგბურთელმა აღნიშნა, მისი ბოლო ტურნირი მომავალ კვირას ჩანიშნული „ლეივერის თასი“ იქნება.
ფედერერი შვეიცარიელი ჩოგბურთელი გასული წლის „უიმბლდონის“ გათამაშების შემდეგ კორტზე აღარ გამოსულა.
ცნობისთვის, როჯერ ფედერერს „უიმბლდონი“ ყველაზე მეტჯერ - 8-ჯერ აქვს მოგებული, მან ასევე 5-ჯერ გაიმარჯვა ამერიკის ღია პირველობაზე. საერთო ჯამში, ფედერერმა 24-წლიანი პროფესიული კარიერის მანძილზე 103 ტიტული მოიგო. მასზე მეტი ტიტული მხოლოდ ჯიმი კონორს (109) აქვს.
ამას გარდა, ფედერერი წყვილთა თანრიგში 2008 წლის პეკინის ოლიმპიური ჩემპიონიც არის.
შეგახსენებთ, ფედერერმა კლასიფიკაციის სათავეში 310 კვირის განმავლობაში იმყოფებოდა, 2021 წლის მარტამდე ეს შედეგი საუკეთესო იყო, მოგვიანებით კი მისი რეკორდი სერბმა ჩოგბურთელმა, ნოვაკ ჯოკოვიჩმა გააუმჯობესა.