ედგარს რინკევიჩსი - ლატვია შენგენის ვიზის მქონე რუსეთის მოქალაქეებისთვის ქვეყანაში შესვლის შესაძლებლობას ზღუდავს - რუსებო, არ ეცადოთ გადმოკვეთოთ საზღვარი, თქვენ აქ არ გელოდებიან

ლატვია შენგენის ვიზის მქონე რუსეთის მოქალაქეებისთვის ქვეყანაში შესვლის შესაძლებლობას ზღუდავს, - ამის შესახებ ლატვიის საგარეო საქმეთა მინისტრი, ედგარს რინკევიჩსი Twitter-ის პირად გვერდზე წერს.

მისი თქმით, აღნიშნული გადაწყვეტილება დაკავშირებულია ლატვიის უსაფრთხოების მოსაზრებებსა და უკრაინაში რუსეთის აგრესიასთან.

რინკევიჩსმა ასევე მოუწოდა რუსებს, დატოვონ უკრაინის ტერიტორია.

„უსაფრთხოების მოსაზრებებიდან გამომდინარე და რუსეთის აგრესიასთან დაკავშირებით, 19 სექტემბრიდან ლატვია შენგენის ვიზების მქონე რუსეთის მოქალაქეებისთვის ზღუდავს შემოსვლის შესაძლებლობას. რუსებო, არ ეცადოთ გადმოკვეთოთ საზღვარი, თქვენ აქ არ გელოდებიან, შეწყვიტეთ უკრაინის წინააღმდეგ ომი და წადით ამ ლამაზი ქვეყნიდან!“ - წერს ლატვიის საგარეო საქმეთა მინისტრი.

ინფორმაციისთვის, 12 სექტემბერს ძალაში შევიდა ევროკავშირის საბჭოს გადაწყეტილება რუსეთთან გამარტივებული სავიზო რეჟიმის შეჩერების შესახებ.

ლევან ლორთქიფანიძე - აღმასრულებელი და საკანონმდებლო ორგანოების საგარეო პოლიტიკა არ არის აცდენილი ერთმანეთს - დარწმუნებული ვარ, ვენეციის კომისიის რეკომენდაციების უარყოფის გადაწყვეტილება ირაკლი კობახიძის გარეშე არ მიღებულა
ქართული პრესის მიმოხილვა 26.02.2024
გამორჩეული სიახლე - ახალი HONOR X8b სმარტფონის განხილვა
ჰიუნდაი ავტო საქართველოში შერჩეულ მოდელებზე მწარმოებლის ბონუსს მიიღებთ
ტერაბანკის პარტნიორობით, ილიას სახელმწიფო უნივერსიტეტში პრე-აქსელერაციის პროგრამა დასრულდა
ამერიკის შეერთებული შტატების ელჩი საქართველოს უნივერსიტეტს ესტუმრა
მსოფლიოს წამყვანი ტექნოლოგიური კომპანიის, Salesforce-ის ოფიციალური წარმომადგენელი და პარტნიორი კომპანია INSPARK, საქართველოში იწყებს ოპერირებას