სომხეთის ბოლოდროინდელ პროვოკაციას კიდევ 6 ადამიანი ემსხვერპლა და დაღუპულთა საერთო რაოდენობა 77-მდე გაიზარდა, - ინფორმაციას აზერბაიჯანული მედია ქვეყნის თავდაცვის სამინისტროზე დაყრდნობით ავრცელებს.

უწყება აზერბაიჯანი-სომხეთის საზღვარზე 12-13 სექტემბრის ღამეს მომხდარი შეტაკებების შემდეგ დაღუპულთა სიას აქვეყნებს.

შეგახსენებთ, სომხეთის პრემიერ-მინისტრმა, ნიკოლ ფაშინიანმა დღეს განაცხადა, რომ ბოლო დროს მომხდარ შეტაკებებს 135 სომეხი ჯარისკაცის სიცოცხლე ემსხვერპლა, თუმცა მონაცემები საბოლოო არ არის, რადგან ბევრია დაშავებული.