უკრაინის პირველი ლედი ოლენა ზელენსკა 19 სექტემბერს, გაერთიანებული სამეფოს დედოფლის, ელისაბედ მეორის დაკრძალვას დაესწრება. ინფორმაციას ბრიტანული გამოცემა The Sun ავრცელებს.
„ოლენა ზელენსკას ყოფნა უკრაინისადმი გლობალური მხარდაჭერის კიდევ ერთი ნიშანია, მაშინ როცა რუსეთი იზოლირებულია. დიდი ბრიტანეთი უკრაინის ერთ-ერთი ურყევი მოკავშირეა. მისი ყოფნა დაკრძალვაზე ამ მეგობრობისა და ურთიერთპატივისცემის ნიშანია“, - განუცხადა გამოცემას წყარომ, რომლის ვინაობაც არ სახელდება.
გავრცელებული ინფორმაციით, იგი დაკრძალვის შემდეგ დაუყოვნებლივ უკრაინაში დაბრუნდება.