„როიტერსი“ მის მიერ იზიუმში, მასობრივ საფლავში აღმოჩენილ ცხედრებთან დაკავშირებით გავრცელებულ ინფორმაციაზე განმარტებას აკეთებს
საინფორმაციო სააგენტო „როიტერსი“ დღეს მის მიერ იზიუმში, მასობრივ საფლავში აღმოჩენილ ცხედრებთან დაკავშირებით გავრცელებულ ინფორმაციაზე განმარტებას აკეთებს და აცხადებს, რომ სტატია არასწორია.
„როიტერსის რეპორტიორებს არ უნახავთ ცხედრები კისერზე თოკით“, - განმარტავს საინფორმაციო სააგენტო.
მედიასაშუალების ვებ-გვერდზე აღნიშნულზე სტატია ახლა აღარ იძებნება.
თუმცა, მანამდე „როიტერსმა“ საკუთარ კორესპონდენტებზე დაყრდნობით გაავრცელა ცნობა, რომ იზიუმში, მასობრივ საფლავში აღმოჩენილი ცხედრების ნაწილს ყელზე თოკი აქვს მოხვეული, ხელები კი შეკრული, რაც იმაზე მეტყველებს, რომ ყველა მათგანი დაბომბვისა და ავიაიერიშების შედეგად არ დაღუპულა.
