არასამთავრობო ორგანიზაციები სახალხო დამცველის კანდიდატის შერჩევის კრიტერიუმებზე მსჯელობენ

არასამთავრობო ორგანიზაციები სახალხო დამცველის კანდიდატის შერჩევის კრიტერიუმებზე მსჯელობენ.როგორც „ახალგაზრდა იურისტთა ასოციაციის“ ხელმძღვანელი ნიკა სიმონიშვილი განმარტავს, ვიდრე პროცესი წინ არ წავა, კონკრეტულ კანდიდატებთან დაკავშირებით საუბარი სწორი არ იქნება.

„შეხვედრაზე, რა თქმა უნდა, ვისაუბრებთ კონკრეტულ კანდიდატებთან მიმართულებით, თუ ვინ შეიძლება იყოს. ვფიქრობ, ჯერ ამაზე საუბარი ნაადრევია, ვიდრე ეს პროცესი წინ არ წაიწევს, არ ვფიქრობ, რომ კონკრეტულ კანდიდატებთან მიმართულებით საუბარი სწორი იქნება",- აღნიშნავს ნიკა სიმონიშვილი.

ამასთან, ნიკა სიმონიშვილი არ გამორიცხავს, რომ ხელისუფლებას სახალხო დამცველის თანამდებობაზე მის მიმართ ლოიალურად განწყობილი პირის გაყვანა სურდეს.

"ჩვენ ვნახეთ ხელისუფლების წარმომადგენლების განცხადებები მოქმედ სახალხო დამცველზე. მისი პოზიციები და განცხადებები ხშირად ხელისუფლებას არ მოსწონდა, არ იყო მათთვის ხელსაყრელი და თავდასხმებსაც ვხედავდით. არ გამოვრიცხავთ, რომ ხელისუფლებას ამ ჯერზე უნდოდეს მის მიმართ ლოიალურად განწყობილი პირის გაყვანა. ეს პირდაპირ იქნება, თუ არა, ვნახავთ. ეს ინტერესი რომ ჰქონდეს ხელისუფლებას არ გამოვრიცხავ. ჩვენი მიზანია მხარი დავუჭიროთ იმ კანდიდატს, რომელიც იქნება ხალხის და არ იქნება არცერთი პოლიტიკური პარტიის წარმომადგენელი", - აღნიშნავს სიმონიშვილი.

შეხვედრა, სადაც სახალხო დამცველის კანდიდატის შერჩევის კრიტერიუმებზე მსჯელობენ, "ღია საზოგადოების ფონდის" ოფისში მიმდინარეობს. შეხვედრაზე იმყოფება "საქართველოს ახალგაზრდა იურისტთა ასოციაცია", "ინფორმაციის თავისუფლების განვითარების ინსტიტუტი", "სამართლიანი არჩევნებისა და დემოკრატიის საერთაშორისო საზოგადოება", „საერთაშორისო გამჭვირვალობა - საქართველო" და სხვა არასამთავრობო ორგანიზაციები.

პაატა შეშელიძე  -  რუსეთისთვის  ამ კრიზისულ სავალუტო ვითარებაში ჩინეთი თავის თავზე იმუშავებს და არა რუსეთზე
დავით გოჩავა - ახლა ჩინეთმა თუნდაც „ჰონგ-კონგის პორტი“ ჩადგას ანაკლიაში, აზრი არ აქვს არაფერს - ევროპა „ანაკლიის პორტთან“, სავარაუდოდ, არ ითანამშრომლებს
ქართული პრესის მიმოხილვა 13.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი