რეჯეფ თაიფ ერდოღანის განცხადებით, 20 ოქტომბერს ყარაბაღის ზანგელანის რეგიონს ეწვევა, სადაც ილჰამ ალიევთან ერთად აეროპორტს გახსნის

თურქეთის პრეზიდენტის რეჯეფ თაიფ ერდოღანის განცხადებით, 20 ოქტომბერს ყარაბაღის ზანგელანის რეგიონს ეწვევა, სადაც აზერბაიჯანის პრეზიდენტთან ილჰამ ალიევთან ერთად აეროპორტს გახსნის.

„რაც შეეხება ყარაბაღის საკითხს, მნიშვნელოვანია, რომ რეგიონის ყველა ქვეყანამ უპირობო და მტკიცე მხარდაჭერა გამოხატოს აზერბაიჯანის ტერიტორიულ მთლიანობაზე. 20 ოქტომბერს ჩვენ გავხსნით აეროპორტს ზანგელანში. ილჰამ ალიევმა თქვა: "გახსნის შემდეგ ჩვენ წავალთ ჯაბრაილის რაიონში. შესაძლოა მან იქ მოიწვიოს რამდენიმე ლიდერიც", - განუცხადა ერდოღანმა ჟურნალისტებს სამარყანდიდან დაბრუნების შემდეგ.

დღესვე, თურქეთის პრეზიდენტმა რეჯეფ თაიფ ერდოღანმა ჟურნალისტებს უთხრა, რომ აზერბაიჯანელი კოლეგისგან ილჰამ ალიევისგან მიიღო ინფორმაცია სომხეთის საზღვარზე „სამხედრო ოპერაციის“ დასრულების შესახებ.

„აზერბაიჯანმა სომხეთის პროვოკაციების საპასუხოდ დაწყებული ოპერაციის დასრულება გამოაცხადა. ვინაიდან ოპერაცია უკვე დასრულებულია, ახლა მის განხილვას აზრი არ აქვს. ბატონი ალიევისგან მიღებული ინფორმაციით, ჩვენი აზერბაიჯანელი ძმები უსაფრთხო პოზიციაზე არიან. მნიშვნელოვანია, რომ სომხეთმა რაც შეიძლება მალე თქვას უარი აზერბაიჯანის წინააღმდეგ პროვოკაციებზე, იმოქმედოს წინა ვალდებულებების შესაბამისად და ფოკუსირება მოახდინოს მშვიდობასა და თანამშრომლობაზე. ჩვენ გვსურს ჩვენს რეგიონში ნორმალიზაციის პროცესები წარმატებით დასრულდეს და რეგიონში მშვიდობა და სტაბილურობა ხანგრძლივი დროით იყოს უზრუნველყოფილი“, - განუცხადა ერდოღანმა ჟურნალისტებს თვითმფრინავში სამარყანდიდან დაბრუნების შემდეგ.

მირიან მირიანაშვილი - თუ დასავლეთმა სალომე ზურაბიშვილის პროექტი არ დაქოქა, პრობლემები ხელისუფლებას შეიძლება დაეწყოს არა არჩევნებამდე, არამედ არჩევნების შემდეგ
ოჯახური ძალადობა, სამუშაო ადგილებზე სექსუალური ხასიათის არასასურველი ქცევა, პოლიციის მხრიდან ძალის გადამეტება და ბავშვთა უფლებების დარღვევა - რა შინაარსის ზარები ხორციელდება სახალხო დამცველის „ცხელ ხაზზე“
„პერსონალურ მონაცემთა დაცვის შესახებ“ ახალი კანონი ამოქმედდა - რა სიახლეები შემოდის პერსონალურ მონაცემთა დაცვის სფეროში?
ქართული პრესის მიმოხილვა 29.02.2024
„ფარმადეპოში“ გაზაფხულის ფასდაკლებები დაიწყო
კახა ოქრიაშვილი - აზარაშვილის გადაყენება არასაკმარისია - არამხოლოდ მე, არამედ მთელი ჯანდაცვა ვითხოვთ მისი დანაშაულებრივი ქმედებების სიღრმისეულ გამოძიებას!