ე.წ. „ლუგანსკის სასამართლომ“ ეუთო-ს თანამშრომელს 13-წლიანი პატიმრობა მიუსაჯა

ე.წ. „ლუგანსკის სასამართლომ“ ევროპის უსაფრთხოებისა და თანამშრომლობის ორგანიზაციის (ეუთო) თანამშრომელს, დიმიტრი შაბანოვს, „სახელმწიფო ღალატისთვის“ თავისუფლების 13 წლით აღკვეთა მიუსაჯა.

უკრაინული მედიის ინფორმაციით, ის ოკუპირებულ ლუგანსკის ოლქში აპრილის შუა რიცხვებში დააკავეს. მოგვიანებით კი ბრალი „საიდუმლო ინფორმაციის უცხოური დაზვერვის წარმომადგენლებისთვის გადაცემაში“ დასდეს. ოკუპანტების მტკიცებით, შაბანოვმა „სპეციალური წვრთნა შეერთებულ შტატებში გაიარა“, შემდეგ კი ბოევიკების გადაადგილების შესახებ ინფორმაციას აგროვებდა.

შაბანოვი ეუთო-ს მისიის სტახანოვის საპატრულო ბაზის თანაშემწეა უსაფრთხოების საკითხებში.