აშშ-ის სახელმწიფო მდივანი ენტონი ბლინკენი ნიუ-იორკში სომხეთისა და აზერბაიჯანის საგარეო საქმეთა მინისტრებს შეხვდა.
შეხვედრისას ბლინკენმა ხაზი გაუსვა საომარი მოქმედებების თავიდან აცილებისა და მშვიდობიანი მოლაპარაკებების აუცილებლობას.
მისი თქმით, კონფლიქტი არა სამხედრო დაპირისპირებით, არამედ მოლაპარაკებების გზით უნდა მოგვარდეს.
აშშ-ის სახელმწიფო მდივანმა დიპლომატებს მოუწოდა მიმდინარე თვეში კიდევ ერთხელ შეხვდნენ.
Reuters-ის ინფორმაციით, საგარეო საქმეთა მინისტრებთან შეხვედრამდე ბლინკენი ტელეფონით ნიკოლ ფაშინიანსა და ილჰამ ალიევს ესაუბრა.