ირაკლი კობახიძის განცხადებით, „საარჩევნო კოდექსში“ შესატანი ცვლილებები, რაც სამუშაო ჯგუფის მიერ მომზადდა, ეუთო/ოდირის რეკომენდაციებს ეფუძნება

„ქართული ოცნების“ თავმჯდომარის, ირაკლი კობახიძის განცხადებით, „საარჩევნო კოდექსში“ შესატანი ცვლილებები, რაც სამუშაო ჯგუფის მიერ მომზადდა, ეუთო-ოდირის რეკომენდაციებს ეფუძნება.

როგორც კობახიძემ ჟურნალისტებს განუცხადა, ეს არის ძალიან მნიშვნელოვანი ინიციატივა, რომელიც პარლამენტის მიერ აუცილებლად დამტკიცდება.

„საარჩევნო კოდექსში“ შესატანი ცვლილებები, რაც სამუშაო ჯგუფის მიერ მომზადდა, ეუთო/ოდირის რეკომენდაციებს ეფუძნება.19 ძირითადი რეკომენდაცია წარმოადგინა თავის დროზე ეუთო/ოდირმა და სწორედ აქედან გამომდინარე შემუშავდა კანონპროექტი. კიდევ ერთხელ გავამახვილებ ყურადღებას მთავარ თემაზე, ეს არის ელექტრონული წესით ხმის მიცემა და ელექტრონული რეგისტრაცია, რომელიც საქართველოს მასშტაბით დაინერგება. ეს მოიცავს ამომრჩეველთა მინიმუმ 70%-ს. შეიძლება ეს იყოს 90%-ზე მეტიც, უბრალოდ, ჩვენ თავს ტექნიკური ასპექტებიდან გამომდინარე ვიზღვევთ, რომელიც ტექნოლოგიების დანერგვასთან არის დაკავშირებული. ამომრჩევლის აბსოლუტურ უმრავლესობას მოიცავს ის ინიციატივა, რომელიც ჩვენ წარმოვადგინეთ, რაც სარჩევნო პროცედურების კიდევ უფრო მეტ გამჭვირვალობას უზრუნველყოფს. მოხსნის უამრავ საკითხს, რაც დღის წესრიგში იდგა. ეს არის იგივე ოქმების დაუბალანსებლობის საკითხი, რეგისტრაციასთან დაკავშირებული სპეკულაციები თუ კითხვები, რაც ე.წ. კარუსელს უკავშირდებოდა და ა.შ. უამრავი კითხვა მოიხსნება. ასევე, არჩევნების შედეგები ცნობილი გახდება საზოგადოებისთვის კენჭისყრის პროცედურის დასრულებიდან რამდენიმე წუთში. აქედან გამომდინარე, ეს არის ძალიან მნიშვნელოვანი ინიციატივა, რომელიც პარლამენტის მიერ აუცილებლად დამტკიცდება“, -განაცხადა კობახიძემ.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს