თეონა აქუბარდია - ამ გართულებულ ვითარებაში, იქნება ეს ჩვენს მეზობლებს შორის კონფლიქტის ესკალაცია, სამშვიდობო შეთანხმების საკითხი თუ რუსეთის აგრესია, მათ შორის უკრაინის წინააღმდეგ, საქართველო საერთოდ სად არის?

„სტრატეგია აღმაშენებლის“ დეპუტატის თეონა აქუბარდიას განცხადებით, „ქართულმა ოცნებამ“ ხელისუფლებაში მოსვლა რუსეთთან არგაღიზიანების პოლიტიკით დაიწყო.

როგორც მან პარლამენტის საშემოდგომო სესიის პლენარულ სხდომაზე განაცხადა, ეროვნული უსაფრთხოების საბჭო, რომლის თავმჯდომარე პრემიერ-მინისტრია, არცერთხელ არ შეკრებილა.

„ამ გართულებულ ვითარებაში, იქნება ეს ჩვენს მეზობლებს შორის კონფლიქტის ესკალაცია, სამშვიდობო შეთანხმების საკითხი თუ რუსეთის აგრესია, მათ შორის უკრაინის წინააღმდეგ, საქართველო საერთოდ სად არის? გასაგებია არგაღიზიანების პოლიტიკა, ამით დაიწყო „ქართულმა ოცნებამ“ ხელისუფლებაში მოსვლა, თუმცა, არგაღიზიანების პოლიტიკა თუ ნიშნავდა იმას, რომ ჩირგვებში უნდა ჩაგვერგვო თავი და საერთოდ არ შეგვემჩნია ჩვენს ირგვლივ რა ხდებოდა, როგორც ჩანს, აქამდეც მივედით. არაფერს ვსაუბრობ იმაზე, რომ კანონით შექმენით ეროვნული უსაფრთხოების საბჭო, რომლის თავმჯდომარე პრემიერ-მინისტრია და რომელიც არცერთხელ არ შეიკრიბა, როგორც უკრაინაში საომარ მდგომარეობასთან, ისე ოკუპირებულ ტერიტორებთან და სამეზობლოში არსებულ კრიზისთან დაკავშირებით. მინდა ბიჭვინთის ანექსიასთან დაკავშირებით განვაცხადო, პროცესი, რომელიც მიმდინარეობს, არ არის ფაქტი, რომლის იგნორირება საქართველოს მთავრობის მხრიდან უნდა მოხდეს“,-განაცხადა აქუბარდიამ.

მისი თქმით, ასევე უცნობია, რა ხდება დეოკუპაციის სტრატეგიასთან დაკავშირებით.

„არ მგონია, ისე დაასრულოთ „ქართულმა ოცნება“ მოღვაწეობა, რომ ამ სტრატეგიამ დღის სინათლე იხილოს. ეროვნული უსაფრთხოების კონცეფცია 2011 წლიდან არ განგიახლებიათ და ამაზე პასუხი არ არის. დეზინფორმაციული და ანტიდასავლური მძლავრი კამპანია, რომელსაც მათ შორის ჩვენი კოლეგების, უმრავლესობის დეპუტატებისგან ვისმენთ, ჩვენი ქვეყნის ინტერესების წინაღმდეგ არის მიმართული. საგარეო საქმეთა სამინისტროს კონკრეტული ფუნქცია აქვს დაკისრებული და არაფერი ვიცით, თუ რას აკეთებს ან ზოგადად, პოზიცია რა არის, როდესაც ასეთი ორგანიზებული, ანტიდასავლური კამპანია და თავდასხმები მიმინარეობს ჩვენს სტრატეგიულ პარტნიორებზე“,-განაცხადა აქუბარდიამ.

გაამართლა თუ არა მართვის მოწმობის ასაღები გამოცდის რეალურ მოძრაობაში გადატანამ და როგორია ჩაბარება-ჩაჭრის მაჩვენებელი? - ინტერვიუ შსს-ს მომსახურების სააგენტოს დირექტორის მოადგილესთან
კორნელი კაკაჩია - ამერიკელი ანალიტიკოსების აზრით, „საქართველო არის ქვეყანა, რომელმაც დაკარგა სტრატეგიული კომპასი“ და „ახლა ძრავაგაჩერებულ მანქანას ჰგავს, რომელიც ინერციით მოძრაობს“
ქართული პრესის მიმოხილვა 03.10.2022
ტერაბანკისა და სააგენტოს „აწარმოე საქართველოში“ მხარდაჭერით, „ავეჯის აკადემიის“ საამქრო ახალი დანადგარებით აღიჭურვა
თბილისში „ელიტ ელექტრონიქსის“ ახალი კონცეფციის მაღაზია გაიხსნა
თბილისში „სმარტის“ 32-ე სუპერმარკეტი გაიხსნა
ბაზისბანკმა, შეღავათიანი აგრო კრედიტის ფარგლებში, ხილის გადამამუშავებელი ქარხანა დააფინანსა
ევექსი კლინიკებმა კამპანია - „გეკუთვნის“ დაიწყო
კახა ოქრიაშვილი - ჩვენი ეკონომიკა მინუსშია! დაბეჭდავენ ფულს, როგორც აქამდე და დაარიგებენ, ოღონდ ამ ფულით უფრო ნაკლებს ვიყიდით, ვიდრე დღეს ვყიდულობთ
წარმატება, რომელსაც BTU-მ 6 წლის განმავლობაში მიაღწია
ქართული ხალხური სიმღერის გამორჩეულ ოსტატსა და ლოტბარს, ტრისტან სიხარულიძეს სპეციალური ჯილდო - „მადლიერების ჩიტი“ გადაეცა