პაატა მანჯგალაძის შეფასებით, ევროკავშირის კანდიდატის სტატუსის მიღება საქართველოსთვის ისტორიული შანსია, თუმცა საპარლამენტო უმრავლესობას ევროპაში ინტეგრაცია არ უნდა

პოლიტიკური ჯგუფ „რეფორმების ჯგუფის“ წევრის, პაატა მანჯგალაძის შეფასებით, ევროკავშირის კანდიდატის სტატუსის მიღება საქართველოსთვის ისტორიული შანსია, თუმცა საპარლამენტო უმრავლესობას ევროპაში ინტეგრაცია არ უნდა.

ამასთან, მანჯგალაძის განცხადებით, საქართველოს ხელისუფლებას არ სურს ევროპაში ინტეგრაცია, რადგამ ევროპული დემოკრატია და ოლიგარქია ერთმანეთთან შეუთავსებელია.

„ნაცვლად იმისა, რომ ორიენტირებულნი ვიყოთ იმაზე, რომ ევროპა არის მშვიდობისა და სტაბილურობის მთავარი გარანტი, რომ კანდიდატის სტატუსი არის ისტორიული შანსი და შესაძლებლობა საქართველოში ყველა დაბადებული თაობისთვის, თქვენ დაკავებული ხართ რეალობის მოდელირებით, რათა მთავარი თემა იყოს, სურთ თუ არა ბაიდენსა და შარლ მიშელს საქართველოში ომის დაწყება. მე მესმის, რომ ამას მარტივი, პრიმიტიული მიზანი აქვს - თქვენ არ გინდათ ევროპაში ინტეგრაცია, იმიტომ, რომ ევროპული დემოკრატია და ოლიგარქია შეუთავსებელია ერთმანეთთან. მე მაინტერესებს კითხვებზე პასუხი და თუ ნამდვილად დაინტერესებული ხართ ინტეგრაციის პროცესით, რიტორიკა - „დასავლეთი ომს გვაძალებს“, რას გაძლევთ? რა დივიდენდის მომტანია ეს საქართველოსთვის? გვეხმარება ინტეგრაციაში? ყოველ დღე ამერიკის ელჩის ამოჩემება და სტრატეგიულ პარტნიორ ამერიკაზე თავდასხმა ვის ინტერესს შეიძლება ემსახურებოდეს? მაშინ რომელ სხვა გზას გვთავაზობთ - თუ ამერიკისა და ევროპის გზა ომისა და საქართველოს დანგრევის გზაა?! ეს არის პრიმიტიული ნარატივი იმისა, რომ შევქმნათ მოლოდინი, გადაიფაროს მარცხი და ხალხმა ის კი არ თქვას, რა ცუდია ქვეყანა ისტორიულ მარცხამდე რომ მივიდა და თქვენი პასუხისმგებლობა არ დადგეს, არამედ თქვათ, რომ „ქართულმა ოცნებამ“ ომს აგვაცილა და უნდა ვიზეიმოთ თურმე კანდიდატის სტატუსის ვერ მიღება. ამას გვთავაზობთ? ამაში უნდა გამოგყვეთ? ეს არის გზა?“ - განაცხადა პაატა მანჯგალაძემ.

მირიან მირიანაშვილი - თუ დასავლეთმა სალომე ზურაბიშვილის პროექტი არ დაქოქა, პრობლემები ხელისუფლებას შეიძლება დაეწყოს არა არჩევნებამდე, არამედ არჩევნების შემდეგ
ოჯახური ძალადობა, სამუშაო ადგილებზე სექსუალური ხასიათის არასასურველი ქცევა, პოლიციის მხრიდან ძალის გადამეტება და ბავშვთა უფლებების დარღვევა - რა შინაარსის ზარები ხორციელდება სახალხო დამცველის „ცხელ ხაზზე“
„პერსონალურ მონაცემთა დაცვის შესახებ“ ახალი კანონი ამოქმედდა - რა სიახლეები შემოდის პერსონალურ მონაცემთა დაცვის სფეროში?
ქართული პრესის მიმოხილვა 29.02.2024
„ფარმადეპოში“ გაზაფხულის ფასდაკლებები დაიწყო
კახა ოქრიაშვილი - აზარაშვილის გადაყენება არასაკმარისია - არამხოლოდ მე, არამედ მთელი ჯანდაცვა ვითხოვთ მისი დანაშაულებრივი ქმედებების სიღრმისეულ გამოძიებას!
Super App-ისა და Visa-ს ყოველდღიური გათამაშება დაიწყო