ლატვია რუსებს, რომლებიც მობილიზაციის გამო ქვეყნიდან გაიქცევიან, თავშესაფარს არ მისცემს

ლატვია უარს აცხადებს თავშესაფარი მისცეს რუსებს, რომლებიც ქვეყანას მობილიზაციის გამოცხადების გამო დატოვებენ, - ამის შესახებ ლატვიის საგარეო საქმეთა მინისტრმა ედგარ რინკევიჩმა განაცხადა.

მინისტრმა გადაწყვეტილების მიზეზად უსაფრთხოებასთან დაკავშირებული საკითხები დაასახელა.

რუსეთში ნაწილობრივი მობილიზაციის გამოცხადების საკითხს ნიდერლანდებისა და ჩეხეთის ხელისუფლებაშიც გამოეხმაურნენ.

ნიდერლანდების პრემიერ-მინისტრმა, მარკ რუტემ განაცხადა, რომ მობილიზაციის გამოცხადება პანიკის ნიშანია.

„მობილიზაციის გამოცხადება და რეფერენდუმების ჩატარებისკენ მოწოდება პანიკის ნიშანია. მისი რიტორიკა ბირთვულ იარაღზე არის ის, რაც აქამდე არაერთხელ გვსმენია. ეს ყველაფერი ჩვენთვის ცნობილი რიტორიკის ნაწილია“, - აღნიშნა რუტემ.

ჩეხეთის პრემიერ-მინისტრის, პეტრ ფიალას შეფასებით კი ნაწილობრივი მობილიზაცია უკრაინაში დაწყებული ომის შემდგომი ესკალაციის მცდელობა.

„ვლადიმერ პუტინის მიერ გამოცხადებული ნაწილობრივი მობილიზაცია რუსეთის მიერ უკრაინაში დაწყებული ომის შემდგომი ესკალაციის მცდელობაა და კიდევ ერთი მტკიცებულებაა იმისა, რომ რუსეთი ერთადერთი აგრესორია. საჭიროა უკრაინის დახმარება და ჩვენ უნდა გავაგრძელოთ ეს ჩვენი ინტერესებიდან გამომდინარე“, - დაწერა პრემიერმა „ტვიტერში“.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს