რუსეთში ნაწილობრივი მობილიზაციის საწინააღმდეგო აქციებზე დაკავებულთა რიცხვმა 1 000-ს გადააჭარბა. ინფორმაციას პორტალი ОВД-Инфо ავრცელებს.

დაკავებები რუსეთის 38 ქალაქში დაფიქსირდა. გამოცემა აღნიშნავს, რომ პოლიციის ყოველ განყოფილებაში დაკავებულთა რაოდენობა შეიძლება მეტი იყოს, ვინაიდან, სტატისტიკაში მხოლოდ ის ადამიანები მოჰყავთ, რომელთა დაკავებაზეც დადასტურებით იციან და რომელთა სახელების გამოქვეყნება შეუძლიათ.

ამ მომენტისთვის, ყველაზე მეტი დაკავებული სანქტ-პეტერბურგსა და მოსკოვშია, ორივეგან როგორც მინიმუმ 399. შემდეგ მოდიან ეკატერინბურგი - 40, პერმი - 23, უფა - 22, ჩელიაბინსკი - 20, კრასნოიარსკი - 19, ვორონეჟი - 14, კრასნოდარი - 14, კალინინგრადი - 10, სარატოვი - 10, ირკუტსკი - 9, პეტროზავოდსკი - 8, არხანგელსკი - 8, ექვს-ექვსი - კოროლიოვში, ნოვოსიბირსკში, ტვერსა და იაკუტსკში, ოთხ-ოთხი - რიაზანში, ულან-უდესა და ტულაში, ჟელეზნოგორსკი - 3, ორ-ორი - იჟევსკში, სამარაში, ტომსკსა და სალავატში, თითო-თითო - ტიუმენში, ვოლგოგრადში, ყაზანში, ივანოვოში, სიკტივკარში, სურგუტში, ვოლოგდაში, ნიჟნი ნოვგოროდში, კალუგაში, ვიატსკიე პოლიანაში, სმოლენსკსა და ბელგოროდში.