ლიზ ტრასი - პუტინი კიდევ უფრო ცრუ განცხადებებს აკეთებს და კიდევ უფრო მეტად იმუქრება იარაღის ჟღარუნით - პირობას ვდებ, რომ გავაგრძელებთ და გავზრდით უკრაინის სამხედრო მხარდაჭერას

უკრაინაში ბარბაროსულ იარაღს იყენებენ ადამიანების მოსაკლავად და დასასახიჩრებლად, გაუპატიურება გამოიყენება, როგორც ომის იარაღი, ოჯახებს შლიან, - ამის შესახებ გაერთიანებული სამეფოს პრემიერ-მინისტრმა, ლიზ ტრასმა გაერო-ს გენერალური ასამბლეის 77-ე სხდომაზე სიტყვით გამოსვლისას განაცხადა.

„ჩვენ ვნახეთ პუტინი, რომელიც ცდილობს გაამართლოს თავისი კატასტროფული წარუმატებლობა. ის აორმაგებს ძალისხმევას კიდევ უფრო მეტი რეზერვისტის საშინელი ბედისთვის გაწირვით. ის კიდევ უფრო ცრუ განცხადებებს აკეთებს და კიდევ უფრო მეტად იმუქრება იარაღის ჟღარუნით. ეს არ იმუშავებს. საერთაშორისო ალიანსი ძლიერია და უკრაინა ძლიერია“, - აღნიშნა პრემიერმა.

მისი თქმით, უკრაინელები არ იცავენ მხოლოდ საკუთარ ქვეყანას - „ისინი იცავენ ჩვენს ღირებულებებს და მთელი მსოფლიოს უსაფრთხოებას“.

„ამიტომ უნდა ვიმოქმედოთ. სწორედ ამიტომ, კონფლიქტის ამ გადამწყვეტ მომენტში პირობას ვდებ, რომ გავაგრძელებთ და გავზრდით უკრაინის სამხედრო მხარდაჭერას იმდენხანს, რამდენ ხანსაც დასჭირდება. სანამ მე ვსაუბრობ, გაერთიანებული სამეფოს ახალი იარაღი უკრაინაში შედის, მათ შორის მეტი MLRS (მრავალჯერადი გაშვების სარაკეტო სისტემა) რაკეტები. ჩვენ არ დავისვენებთ, ვიდრე უკრაინა არ გაიმარჯვებს. ყველა ამ სფეროში, ყველა ამ ფრონტზე, ახლავე უნდა ვიმოქმედოთ“, - აღნიშნა ლიზ ტრასმა.

მისი თქმით, ახლა დგას გადამწყვეტი მომენტი ისტორიაში, გაერო-ს ორგანიზაციის ისტორიაში და თავისუფლების ისტორიაში.

უკრაინაში შედგენილ სასანქციო სიაზე მომუშავე ჯგუფის წევრი სვეტლანა მუსიიაკა - სიაში დღეისთვის 19 ათასი ადამიანია, თუმცა ეს საწყისი ეტაპის სამუშაოა და სანქციებზე საბოლოო გადაწყვეტილება დამოკიდებული იქნება უსაფრთხოების საბჭოსა და შემდეგ უკვე პრეზიდენტზე
ქართული პრესის მიმოხილვა 29.09.2022
ვანო მაჭავარიანი -  თუ ხელისუფლებამ არ იაქტიურა, იყოს უკრაინა-მოლდოვა- საქართველოს სამეულის ნაწილი, ჩვენ აღმოვჩნდებით უკრაინა-მოლდოვას ევროპული და ატლანტიკური მომავლის მიღმა, რაც ქვეყნისთვის კატასტროფა იქნება
„ფარმადეპოში“ თურქული მედიკამენტების ასორტიმენტი გაიზარდა
ბაზისბანკის მხარდაჭერით, ფონდ "ნატვრის ხის" საქველმოქმედო კონცერტი გაიმართა
VISA-ს და „ბიბლუსის“ ერთობლივი შეთავაზება მომხმარებელს - 30%-იანი ფასდაკლება სრულ ასორტიმენტზე
კომპანია FINA-ს წარმატების ისტორია - 11 წელი ბაზარზე
ტერაბანკისა და სააგენტოს „აწარმოე საქართველოში“ ხელშეწყობით, კახეთში სასტუმრო „ისევ ყვარელი“ განახლდა