საბა ბუაძე - საქართველოს მზარდი საერთაშორისო იზოლაციის ყველაზე კარგი დადასტურება იყო ღარიბაშვილის ვიზიტი გაეროში, როცა კორიდორებში ავი სულივით დასდევდა მსოფლიო ლიდერებს, რომ ფოტო გადაეღო

ღარიბაშვილი არის რუსების ხელის ბიჭის ხელის ბიჭის ხელის ბიჭი, ამიტომაც მისი გზავნილი ვერანაირად ვერ იქნება ადეკვატური იმ გამოწვევებისა, რომელიც მსოფლიოს დღეს აქვს , - ამის შესახებ პარტია „ლელოს“ ერთ-ერთმა ლიდერმა, საბა ბუაძემ „პალიტრანიუსის“ გადაცემა „დღის ნიუსრუმში“ გაეროს გენერალურ ასამბლეაზე პრემიერ-მინისტრის, ირაკლი ღარიბაშვილის დაგეგმილ გამოსვლაზე საუბრისას განაცხადა.

საბა ბუაძის განცხადებით, საქართველოს ხელისუფლება ყველანაირად ცდილობს, რომ კოჭი გაუგოროს რუსებს.

„მსოფლიოში დღეს მთავარი გამოწვევა არის თანამედროვე ფაშისტური სახელმწიფო რუსეთის სახით და ჩვენ არაერთხელ ვნახეთ, რომ ეს ხელისუფლება ამ თანამედროვე ფაშიზმის წინააღმდეგ არათუ ნაბიჯს გადადგამს, არამედ პირიქით, ჩვენ ვნახეთ, რომ ეს ხელისუფლება ყველანაირად ცდილობს, რომ კოჭი გაუგოროს თანამედროვე ფაშისტებს“, - აღნიშნა საბა ბუაძემ.

ამასთან, საბა ბუაძის თქმით, ირაკლი ღარიბაშვილის გაეროში ვიზიტი საქართველოს საერთაშორისო იზოლაციის კარგი დადასტურებაა.

მისივე განცხადებით, პრემიერ-მინისტრ ირაკლი ღარიბაშვილს გაეროში არცერთი მნიშვნელოვანი და შინაარსიანი შეხვედრა არ ჰქონია მსოფლიო ლიდერებთან, რაც იმას ადასტურებს, რომ საქართველო დღეს მოწყვეტილია დასავლურ სამყაროს.

„საქართველოს მზარდი საერთაშორისო იზოლაციის ყველაზე კარგი დადასტურება და გამოხატულება იყო ღარიბაშვილის გაეროში ვიზიტი, როცა ის კორიდორებში ავი სულივით დასდევდა მსოფლიო ლიდერებს და ცდილობდა, რომ ფოტო გადაეღო. არცერთი შინაარსიანი შეხვედრა, არცერთი იმედისმომცემი გზავნილი, არცერთი გაუმჯობესებული პოზიცია საერთაშორისო თვალსაზრისით არ ყოფილა, იყო მისი ალეწილი სახე გაეროს კორიდორებში, ეს ვნახეთ ჩვენ. არანაირი შინაარსი, ნულოვანი შინაარსის შემცველი იყო და ზუსტად ეს ადასტურებს იმას, რომ საქართველო დღეს მოწყვეტილია დასავლურ სამყაროს“, - განაცხადა საბა ბუაძემ.

გაამართლა თუ არა მართვის მოწმობის ასაღები გამოცდის რეალურ მოძრაობაში გადატანამ და როგორია ჩაბარება-ჩაჭრის მაჩვენებელი? - ინტერვიუ შსს-ს მომსახურების სააგენტოს დირექტორის მოადგილესთან
კორნელი კაკაჩია - ამერიკელი ანალიტიკოსების აზრით, „საქართველო არის ქვეყანა, რომელმაც დაკარგა სტრატეგიული კომპასი“ და „ახლა ძრავაგაჩერებულ მანქანას ჰგავს, რომელიც ინერციით მოძრაობს“
ქართული პრესის მიმოხილვა 03.10.2022
ტერაბანკისა და სააგენტოს „აწარმოე საქართველოში“ მხარდაჭერით, „ავეჯის აკადემიის“ საამქრო ახალი დანადგარებით აღიჭურვა
თბილისში „ელიტ ელექტრონიქსის“ ახალი კონცეფციის მაღაზია გაიხსნა
თბილისში „სმარტის“ 32-ე სუპერმარკეტი გაიხსნა
ბაზისბანკმა, შეღავათიანი აგრო კრედიტის ფარგლებში, ხილის გადამამუშავებელი ქარხანა დააფინანსა
ევექსი კლინიკებმა კამპანია - „გეკუთვნის“ დაიწყო
კახა ოქრიაშვილი - ჩვენი ეკონომიკა მინუსშია! დაბეჭდავენ ფულს, როგორც აქამდე და დაარიგებენ, ოღონდ ამ ფულით უფრო ნაკლებს ვიყიდით, ვიდრე დღეს ვყიდულობთ
წარმატება, რომელსაც BTU-მ 6 წლის განმავლობაში მიაღწია
ქართული ხალხური სიმღერის გამორჩეულ ოსტატსა და ლოტბარს, ტრისტან სიხარულიძეს სპეციალური ჯილდო - „მადლიერების ჩიტი“ გადაეცა