სერგეი ლავროვი - აშშ და მოკავშირეები ვოლოდიმირ ზელენსკის მიმართ პოლიტიკას აყალიბებებდნენ ცნობილი პრინციპით: „ის, რა თქმა უნდა, ძაღლის შვილია, მაგრამ ის ჩვენი ძაღლის შვილია“

დასავლეთი ვოლოდიმირ ზელენსკის მიმართ პოლიტიკას აყალიბებს პრინციპით: „ის, რა თქმა უნდა, ძაღლის შვილია, მაგრამ ის ჩვენი ძაღლის შვილია“, - ამის შესახებ რუსეთის საგარეო საქმეთა მინისტრმა სერგეი ლავროვმა უკრაინის შესახებ გაეროს უშიშროების საბჭოში გამოსვლისას განაცხადა.

მან გაიხსენა, რომ ივლისის ბოლოდან უკრაინის შეიარაღებული ძალები დონეცკის ცენტრსა და მის შემოგარენს დისტანციურად ნაღმავენ აკრძალული ქვეითსაწინააღმდეგო ნაღმებით - "ლეპესტოკით" მიუხედავად იმისა, რომ მათი გამოყენება არღვევს 1997 წლის კონვენციას, რომელიც უკრაინის მიერ არის რატიფიცირებული.

„ასეთი სისასტიკე შესაძლებელი გახდა და დაუსჯელი რჩება იმის გამო, რომ შეერთებული შტატები და მისი მოკავშირეები, საერთაშორისო უფლებადამცველი ინსტიტუტების თანხმობით, სისტემატურად ფარავდნენ კიევის რეჟიმის დანაშაულებს რვა წლის განმავლობაში და აყალიბებდნენ თავიანთ პოლიტიკას ზელენსკის მიმართ ცნობილი ამერიკული პრინციპით: ის, რა თქმა უნდა, ძაღლის შვილია, მაგრამ ის ჩვენი ძაღლის შვილია“, - განაცხადა რუსეთის საგარეო საქმეთა მინისტრმა.

„რია ნოვოსტი“ წერს, რომ ლავროვის აღნიშნული ციტირებული გამოთქმა მიეწერება აშშ-ს პრეზიდენტ ფრანკლინ რუზველტს, რომელმაც ასე თქვა ანასტასიო სომოზა გარსიაზე, ნიკარაგუელ სამხედროსა და სახელმწიფო მოღვაწეზე, რომელსაც აშშ-მა პოლიტიკური მხარდაჭერა მისცა მისი ანტიკომუნისტური შეხედულებების გამო.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს