დიმიტრი პესკოვი აცხადებს, რომ უკრაინის ის ტერიტორიები, სადაც ე.წ.რეფერენდუმები მიმდინარეობს, რუსეთის შემადგენლობაში „საკმაოდ მალე შევა“

კრემლის პრესსპიკერმა, დიმიტრი პესკოვმა განაცხადა, რომ უკრაინის ტერიტორიები, სადაც ამჟამად ე.წ. რეფერენდუმები მიმდინარეობს რუსეთის ფედერაციის ნაწილი შესაძლოა, „საკმაოდ მალე გახდნენ“.

„რა თქმა უნდა, საჭირო იქნება ჩვენი პარლამენტისა და პრეზიდენტის გარკვეული გადაწყვეტილებები, ასევე საჭირო დოკუმენტების ხელმოწერა, ანუ მთელი რიგი პროცედურები“, - განაცხადა პესკოვმა.

კითხვაზე, ნიშნავს თუ არა ეს, რომ უკრაინის მხრიდან ტერიტორიების დაბრუნების ნებისმიერი მცდელობა განიხილება, როგორც თავდასხმა რუსეთის ტერიტორიაზე, პესკოვმა უპასუხა: „რა თქმა უნდა“.

„თუკი ეს ტერიტორიები რუსეთის ფედერაციის შემადგენლობაში შევლენ, მაშინ იქ ჩვენი კონსტიტუციის შესაბამისი დებულებები გავრცელდება“, - აღნიშნა პესკოვმა.

კითხვაზე, რამდენ ხანი შეიძლება დასჭირდეს აღიარების პროცესს, პესკოვმა განაცხადა, რომ ზუსტად ვერ იტყვის, მაგრამ დარწმუნებულია რომ "ეს ძალიან მალე იქნება“.

შეგახსენებთ, უკრაინის ოთხ ოლქში: დონეცკში, ლუგანსკში, ზაპოროჟიესა და ხერსონში საოკუპაციო რეჟიმი, რუსეთთან შეერთების საკითხზე, ე.წ. „რეფერენდუმები“ მიმდინარეობს.

უკრაინაში შედგენილ სასანქციო სიაზე მომუშავე ჯგუფის წევრი სვეტლანა მუსიიაკა - სიაში დღეისთვის 19 ათასი ადამიანია, თუმცა ეს საწყისი ეტაპის სამუშაოა და სანქციებზე საბოლოო გადაწყვეტილება დამოკიდებული იქნება უსაფრთხოების საბჭოსა და შემდეგ უკვე პრეზიდენტზე
ქართული პრესის მიმოხილვა 29.09.2022
ვანო მაჭავარიანი -  თუ ხელისუფლებამ არ იაქტიურა, იყოს უკრაინა-მოლდოვა- საქართველოს სამეულის ნაწილი, ჩვენ აღმოვჩნდებით უკრაინა-მოლდოვას ევროპული და ატლანტიკური მომავლის მიღმა, რაც ქვეყნისთვის კატასტროფა იქნება
„ფარმადეპოში“ თურქული მედიკამენტების ასორტიმენტი გაიზარდა
ბაზისბანკის მხარდაჭერით, ფონდ "ნატვრის ხის" საქველმოქმედო კონცერტი გაიმართა
VISA-ს და „ბიბლუსის“ ერთობლივი შეთავაზება მომხმარებელს - 30%-იანი ფასდაკლება სრულ ასორტიმენტზე
კომპანია FINA-ს წარმატების ისტორია - 11 წელი ბაზარზე
ტერაბანკისა და სააგენტოს „აწარმოე საქართველოში“ ხელშეწყობით, კახეთში სასტუმრო „ისევ ყვარელი“ განახლდა