ირანის პრეზიდენტი საპროტესტო აქციებზე - ირანი მტკიცედ უნდა გაუმკლავდეს მათ, ვინც ქვეყნის უსაფრთხოებასა და სიმშვიდეს ეწინააღმდეგება

ირანის პრეზიდენტის, ებრაჰიმ რაისის განცხადებით, ირანი მტკიცედ უნდა გაუმკლავდეს საპროტესტო გამოსვლებს, რომელმაცქვეყანა მას შემდეგ მოიცვა, რაც ისლამური რესპუბლიკის „ზნეობის პოლიციის“ მიერ დაკავებული ქალი გარდაიცვალა.

„ირანი მტკიცედ უნდა გაუმკლავდეს მათ, ვინც ქვეყნის უსაფრთხოებასა და სიმშვიდეს ეწინააღმდეგება“, - აღნიშნა ირანის პრეზიდენტმა.

ირანის სახელმწიფო მედიის ინფორმაციით, ებრაჰიმ რაისმა ხაზი გაუსვა პროტესტისა და საზოგადოებრივი წესრიგისა და უსაფრთხოების დარღვევას შორის გამიჯვნის აუცილებლობას და მოვლენებს „ბუნტი“ უწოდა. მედიის ინფორმაციით, ერთკვირიანი დემონსტრაციების შედეგად 35 ადამიანი დაიღუპა, საპროტესტო ტალღა კი ქვეყნის 31 პროვინციას მოედო.