პოლონეთის პრემიერ-მინისტრი მატეუშ მორავიეცკი აცხადებს, რომ რუსულ „ჩრდილოეთის ნაკადი 1“-ის მილსადენზე მომხდარი გაჟონვა დივერსიული ქმედების შედეგია.
„დღეს ჩვენ დივერსიული აქტის მომსწრე გავხდით, არ ვიცით მომხდარის ყველა დეტალი, მაგრამ ნათლად ვხედავთ, რომ ეს არის დივერსიული აქტი, რომელიც დაკავშირებულია უკრაინაში სიტუაციის ესკალაციის შემდეგ ნაბიჯთან“, - განაცხადა მან დღეს, ნორვეგიასა და პოლონეთს შორის გაზსადენ „ბალტიის მილსადენის“ გახსნის ცერემონიაზე.
შეგახსენებთ, „ჩრდილოეთის ნაკადი 1“-ის მილსადენმა, რომელიც რუსეთს გერმანიასთან ბალტიის ზღვის გავლით აკავშირებს, ორ წერტილში გაჟონა. გუშინ კი მსგავსი გაზის გაჟონვა მოხდა „ჩრდილოეთის ნაკადი 2“-ის მილსადენზე. აღსანიშნავია, რომ ამჟამად არცერთი მათგანი არ მუშაობს.