მტკიცედ ვგმობ უკრაინის რეგიონების - ლუგანსკის, დონეცკის, ზაპოროჟიესა და ხერსონის არაკანონიერ ანექსიას, - ამის შესახებ საქართველოს პარლამენტის თავმჯდომარე შალვა პაპუაშვილი აცხადებს.

შალვა პაპუაშვილის განცხადებით, რუსეთის მხრიდან საერთაშორისო სამართლის ფუნდამენტური პრინციპების უგულებელყოფას ლეგიტიმაცია არ აქვს.

„მტკიცედ ვგმობ უკრაინის რეგიონების - ლუგანსკის, დონეცკის, ზაპოროჟიესა და ხერსონის არაკანონიერ ანექსიას. რუსეთის მიერ საერთაშორისო სამართლის პრინციპების სრულ უპატივცემლობას არ გააჩნია ლეგიტიმურობა და წარმოადგენს მომავალში გლობალური მშვიდობისა და სტაბილურობის აშკარა უარყოფას“, - წერს შალვა პაპუაშვილი „ტვიტერზე“.