ჯოზეფ ბორელი - ევროპული უსაფრთხოების ახალი სტრუქტურა რუსეთის მონაწილეობის გარეშე აშენდება - რუსეთი ევროპული თანამეგობრობიდან პუტინის მიერ იქნა გაგდებული

ევროპული უსაფრთხოების ახალი სტრუქტურა რუსეთის მონაწილეობის გარეშე შეიქმნება. ამის შესახებ ევროკავშირის უმაღლესმა წარმომადგენელმა საგარეო საქმეთა და უსაფრთხოების პოლიტიკის საკითხებში, ჯოზეფ ბორელმა პრაღაში ევროპული პოლიტიკური თანამეგობრობის პირველი შესხვედრის დაწყებამდე განაცხადა.

“მას შემდეგ რაც რუსეთი უკრაინაში შეიჭრა, ევროპა ჩვენი ისტორიის ახალ ფაზაში შევიდა. დღეს 44 ევროპელი ლიდერი ერთმანეთს მოუსმენენ, რათა იპოვონ გზა, როგორ აშენდეს ევროპაში უსაფრთხოების ახალი სტრუქტურა. ეს რუსეთის გარეშე იქნება გაკეთებული. არა იმიტომ, რომ ჩვენ არ გვინდა, რომ რუსეთი ევროპის ნაწილი იყოს, არამედ იმიტომ, რომ რუსეთი ევროპული თანამეგობრობიდან პუტინის მიერ იქნა გაგდებული”, - აღნიშნა ბორელმა.

ბორელის თქმით, ევროპული პოლიტიკური თანამეგობრობა 44 სახელმწიფოს მიერ იქნება ფორმირებული, რომლებიც ძალიან განსხვავდებიან ერთმანეთისგან. ზოგი მათგანი ევროკავშირის წევრია, ზოგი - არა, ზოგი ჯერ არა, მაგრამ მომავალში იქნებიან.

“ჩვენ ერთად უნდა განვსაზღვროთ ახალი კავშირები ევროპელებისთვის. ევროპამ უნდა გადაჭრას უკრაინის წინააღმდეგ რუსეთის ომის მიერ შექმნილი კრიზისი. ევროპამ უსაფრთხოების ახალი წესრიგი უნდა ააშენოს, უპასუხოს ენერგეტიკულ და სასურსათო კრიზისს. ეს ფორუმი, ეს ევროპული პოლიტიკური თანამეგობრობა საუკეთესო გზაა ყველა ევროპელისთვის, როგორც ევროკავშირში, ასევე მის ფარგლებს გარეთ, რომ ეს პრობლემები გადაიჭრას”, - დასძინა ბორელმა.

დავით სიხარულიძე - ისტორიას არ ახსოვს, რომ რომელიმე ქვეყანა ძალით ნატო-ში, ან ევროკავშირში მიეღოთ
ქართული პრესის მიმოხილვა 02.12.2022
ალექსეი მალაშენკო - არავინ იცის როგორ უნდა დასრულდეს რუსეთ-უკრაინის ომი, მათ შორის არც პუტინმა
„ასტრაზენეკამ“ პროექტის „თანადგომა“ შემაჯამებელი ღონისძიება გამართა
ღვინო, რომელიც ბედნიერებას იმახსოვრებს - „მარნაველი“ - CBS ჯგუფის ახალი მიმართულება და 2022 წლის წარმატება ღვინის ბიზნესში
„კარფური" გაფართოებას აგრძელებს - თბილისში ახალი სუპერმარკეტი გაიხსნა
„ნიუ ჰოსპიტალსი“ აშშ-ის შეიარაღებული ძალების სამედიცინო სერვისების მომწოდებლად შეირჩა
გაფრთხილდი და გააფრთხილე, ჩვენი ფინანსების უსაფრთხოება ჩვენს ხელშია
„ლიბერთიმ“ განვადების აქცია დაიწყო
ბაზისბანკის ინვესტიციით, რუსთავში სავაჭრო ცენტრი და საცხოვრებელი კომპლექსი შენდება