ორგანიზაცია „უფლებები საქართველო“ მიიჩნევს, რომ საპროცესო კოდექსი პროკურორებს საქმის გაჭიანურების და მოწმეებზე ზემოქმედების საშუალებას აძლევს, რის გამოც საკონსტიტუციო სასამართლოს მიმართავს

ორგანიზაციამ „უფლებები საქართველო“ საკონსტიტუციო სასამართლოში სარჩელი შეიტანა და სისხლის სამართლის საპროცესო კოდექსის 242-ე მუხლის მე-2 ნაწილის არაკონსტიტუციურად ცნობას ითხოვს.

როგორც „ინტერპრესნიუსთან“ საუბარში ორგანიზაციის ადვოკატმა არჩილ ჩოფიკაშვილმა განმარტა, აღნიშნული მუხლის მიხედვით, სასამართლოში სისხლის სამართლის საქმის განხილვის დროს ადვოკატს უფლება არ აქვს სასამართლოს მტკიცებულებები წარუდგინოს იქამდე, ვიდრე პროკურორი არ განაცხადებს, რომ დაასრულა ბრალდების მტკიცებულებების წარდგენა.

„ეს ეხება სისხლის სამართლის საპროცესო კოდექსის ნორმას, რომლის მიხედვითაც, დაცვის მხარეს უფლება არ აქვს სასამართლოს მტკიცებულებები და მოწმეები წარუდგინოს იქამდე, ვიდრე პროკურორი არ დაასრულებს თავისი მოწმეების და მტკიცებულებების წარდგენას, პრაქტიკაში ეს ძალიან სერიოზულ პრობლემას წარმოქმნის, რადგან შეიძლება პროკურორის მხრიდან მტკიცებულებების წარდგენა წლობით გაგრძელდეს და პრაქტიკაში საქმეებიც ძალიან დიდხანს ჭიანურდება. ერთადერთი მზღუდავი 9-თვიანი პატიმრობის ვადაა და ამ დროშიც, როგორც წესი, პროკურორები მთელ ვადას იყენებენ და შემდეგში, რამდენიმე დღე, ან საათი შეიძლება მისცეს სასამართლომ ადვოკატს მტკიცებულებების წარსადგენად. ეს გასაჩივრებული ნორმა ძალიან დამახინჯებულ პრაქტიკას ქმნის და არღვევს სამართლიანი სასამართლოს უფლებას და ხელს უშლის მართლმსაჯულების განხორციელებას. ჩვენი საკონსტიტუციო სარჩელის დაკმაყოფილების შემთხვევაში, მხარეთა შეჯიბრებითობა დაცული იქნება და დაცვის მხარესაც შესაძლებლობა ექნება პარალელურ რეჟიმში წარადგინოს მოწმეები და მისთვის სასურველ დროს წარადგინოს მტკიცებულებები, რაც დაცვის უფლებას გარანტირებულს გახდის.

ჩვენ, ასევე მოვუწოდებთ იმ ბრალდებულებს და ადვოკატებს, რომელთა საქმეებიც ამ მუხლის წყალობით წლობის განმავლობაში ჭიანურდება და მათი საქმის გადაწყვეტა არ ხდება. მათაც შეუძლიათ საკონსტიტუციო სასამართლოს მიმართონ თავისი კონკრეტული საქმეებით და ორგანიზაცია „უფლებები საქართველო“ ასეთ პირებს დაეხმარება საკონსტიტუციო სასამართლოსადმი მიმართვაში.

სასარჩელო მოთხოვნაა არაკონსტიტიციურად იქნეს ცნობილი საპროცესო კოდექსის 242-ე მუხლის მე-2 ნაწილი საქართველოს კონსტიტუციის მე-13 და 31-ე მუხლებთან მიმართებით“, - განაცხადა ჩოფიკაშვილმა.

არეგ კოჩინიანი - „ზანგეზურის კორიდორის“ საკითხში მოსკოვის პოზიცია აღმოჩნდა საკვანძო, რის გამოც არა მარტო გართულდა სომხეთ-რუსეთის ურთიერთობები, არამედ სომხეთმა თავის საგარეო პოლიტიკაში სერიოზული კორექტივები შეიტანა
ქართული პრესის მიმოხილვა 15.04.2024
მირიან მირიანაშვილი - ივანიშვილი რუსეთის დაშოშმინებას ცდილობს, კანონის მიღება ხელს არ შეუშლის საქართველოს ევროპისკენ სვლას, რადგან დასავლეთის ინტერესშია საქართველოს ევროკავშირის წევრობა
ცოდნა და გამოცდილება, რომელსაც საქართველო მსოფლიოს უზიარებს - რას საქმიანობს გიორგი ელიავას სახელობის ბაქტერიოფაგიის ინსტიტუტი დღეს?
გაიცანით კომპანია, რომელიც პროექტის „კოდინგის სკოლა 1500 ქალისთვის“ ბენეფიციარებისთვის დასაქმების შესაძლებლობებს ქმნის
ციფრული მარკეტინგი - მომავლის პროფესია
ალტე უნივერსიტეტის მიერ ორგანიზებული გლობალური ჰაკათონი - „Teens in AI 2024“ დასრულდა
მსოფლიო ბესტსელერი ფრანგული ბრენდები ფარმსახლის სააფთიაქო ქსელშია
„SOCAR Team“ ტურნირი „პეტრას განძის“ გამარჯვებული გახდა
იგრძენი გაზაფხული – იცხოვრეთ ალერგიის გარეშე