მოლდოვის ხელისუფლებაში აცხადებენ, რომ რუსულმა რაკეტებმა ქვეყნის საჰაერო სივრცე გადაკვეთეს, რის გამოც რუსეთის ელჩი საგარეო უწყებაში დაიბარეს.

„შავ ზღვაში განთავსებული რუსული ხომალდებიდან დღეს დილით უკრაინისკენ გაშვებულმა სამმა ფრთოსანმა რაკეტამ მოლდოვას საჰაერო სივრცე გადაკვეთა. გავეცი დავალება, რომ რუსეთის ელჩი, ახსნა-განმარტების მისაცემად გამოეძახებინათ“, - წერს მოლდოვის საგარეო საქმეთა მინისტრი, ნიკუ პოპესკუ.

შეგახსენებთ, რუსულმა ძალებმა დღეს დილით უკრაინის ქალაქებზე მასობრივი თავდასხმა განახორციელეს.