გიგა ბოკერია - „ხალხის ძალის“ გზავნილი პირდაპირ აღიარებითი ჩვენებაა, რომ ჩვენ ვღალატობთ ქვეყნის ინტერესებს მხოლოდ იმისთვის, რომ ივანიშვილის ფული და ძალაუფლება შევინარჩუნოთ

„ხალხის ძალის“ გზავნილი არის პირდაპირ აღიარებითი ჩვენება, რომ ჩვენ ვღალატობთ ჩვენი ქვეყნის ინტერესებს მხოლოდ იმისთვის, რომ ივანიშვილის ფული და ძალაუფლება შევინარჩუნოთო, - ამის შესახებ „ევროპული საქართველოს“ თავმჯდომარემ, გიგა ბოკერიამ განაცხადა, რითაც ამერიკულ დაფინანსებაზე "ხალხის ძალის" მოსაზრებებს გამოეხმაურა.

მისივე თქმით, „ხალხის ძალის“ მორიგი განცხადების მთავარი გზავნილი არის თავისუფალი სამყაროსი დემონიზება, მტრის და მოყვარის ერთმანეთში აღრევა და საზოგადოების დაბნევა.

„ჩემი აზრით, ჩვენ ამ მწარე სიმართლის მკაფიო და მარტივი შეფასება უნდა გვქონდეს, რომ მოღალატე რეჟიმი გვყავს, რომელიც საქართველოს მომავლის საპირისპიროდ და საქართველოს მომავლის მტრობით ივანიშვილისთვის ძალაუფლების დროებით შენარჩუნების პოლიტიკას აწარმოებს. მისი შედეგი შეიძლება იყოს, და უკვე დგას ამ გზაზე ეს რეჟიმი, რუსეთის დიდი საფრთხის წინაშე საქართველოს მარტო დატოვება. ჩვენ ამის საშუალება არ უნდა მივცეთ. ეს გზავნილი არის პირდაპირ აღიარებითი ჩვენება, რომ ჩვენ ვღალატობთ ჩვენი ქვეყნის ინტერესებს მხოლოდ იმისთვის, რომ ივანიშვილის ფული და ძალაუფლება შევინარჩუნოთო. ამას ივანიშვილის ეს სპიკერები ყოველ დღე აკეთებენ. ოღონდ მხოლოდ ესენი კი არა, ამას აკეთებს თვითონ პერსონალურად ივანიშვილი,“ - განაცხადა გიგა ბოკერიამ.

ვახტანგ ძაბირაძე - 30 წელზე მეტია, ჩვენთან ერთად თუ ვინმეა საქართველოს სუვერენიტეტის დამცველი, ჩვენი დასავლელი პარტნიორები არიან
ემილ ავდალიანი - ამიერიდან ირანი და ისრაელი მეტოქეობის განსხვავებულ ეტაპზე გადავიდნენ
ქართული პრესის მიმოხილვა 18.04.2024
ალიანს ჰაილაინი, როგორც სრულყოფილი საინვესტიციო პროდუქტი
ბოლო დროის ყველაზე პოპულარული B2B პროექტი - ONFAYA, Golden Tulip Design Tbilisi-ში
სუპერმარკეტების ქსელმა „ლიბრე“ განახლებული ფილიალი გახსნა
წინანდლის მამულში საგაზაფხულო სეზონი კულტურული ღონისძიებებით გაიხსნა