საქართველოსა და თურქეთს შორის ტურიზმის სფეროში თანამშრომლობის სამუშაო ჯგუფის პირველი შეხვედრა გაიმართა

თურქეთის ქალაქ სტამბოლში ტურიზმის სფეროში საქართველო-თურქეთის თანამშრომლობის ორმხრივი სამუშაო ჯგუფის პირველი შეხვედრა გაიმართა. ამის შესახებ ინფორმაციას საქართველოს ეკონომიკისა და მდგრადი განვითარების სამინისტრო ავრცელებს.

მათივე ცნობით, ღონისძიების ფარგლებში, საქართველოს დელეგაცია, რომელსაც საქართველოს ეკონომიკისა და მდგრადი განვითარების მინისტრის მოადგილე მარიამ ქვრივიშვილი ხელმძღვანელობდა, თურქეთის სამთავრობო და კერძო სექტორის წარმომადგენლებს შეხვდა. თურქეთის მხარეს თურქეთის რესპუბლიკის კულტურისა და ტურიზმის მინისტრის მოადგილე ნადირ ალფასლანი ხელმძღვანელობდა.

„შეხვედრაზე მხარეებმა განიხილეს საქართველოსა და თურქეთს შორის ტურიზმის სფეროში თანამშრომლობის ძირითადი მიმართულებები. ხაზი გაესვა ორი ქვეყნის საჯარო და კერძო სექტორების კიდევ უფრო დაახლოების მნიშვნელობას, საერთო ტურისტული პროდუქტების შეთავაზებას და განვითარებას, ერთმანეთისთვის გამოცდილების გაზიარებას, მომსახურების სერვისის ამაღლებას და ამ მიზნით, მომსახურების სფეროს წარმომადგენლებისთვის ტრენინგებისა და ტურისტული ღონისძიებების სფეროში თანამშრომლობის გაღრმავებას და სხვ.

მხარეებმა ერთმანეთს გააცნეს ძირითადი ტურისტული მიმართულებები, ასევე ხაზი გაესვა საქართველოსა და თურქეთს შორის არსებული პირდაპირი რეისების სიხშირეების კიდევ უფრო გაზრდის მზაობას. შეხვედრაზე გაიმართა დისკუსია ტურიზმის სფეროში თანამშრომლობის პრიორიტეტული მიმართულებების შესახებ.

საქართველოს მხრიდან შეხვედრას ასევე ესწრებოდა ტურიზმის ეროვნული ადმინისტრაციის ხელმძღვანელის პირველი მოადგილე თამარ ყორიაული, აჭარის ტურიზმისა და კურორტების დეპარტამენტის თავმჯდომარე თინათინ ზოიძე, ეკონომიკისა და მდგრადი განვითარების სამინისტროს საინვესტიციო პოლიტიკისა და ინვესტიციების მხარდაჭერის დეპარტამენტის ხელმძღვანელი ვალერიან გვალია და საქართველოს საგანგებო და სრულუფლებიანი ელჩი თურქეთის რესპუბლიკაში გიორგი ჯანჯღავა”,- აღნიშნულია ინფორმაციაში.

არეგ კოჩინიანი - „ზანგეზურის კორიდორის“ საკითხში მოსკოვის პოზიცია აღმოჩნდა საკვანძო, რის გამოც არა მარტო გართულდა სომხეთ-რუსეთის ურთიერთობები, არამედ სომხეთმა თავის საგარეო პოლიტიკაში სერიოზული კორექტივები შეიტანა
ქართული პრესის მიმოხილვა 11.04.2024
მირიან მირიანაშვილი - ივანიშვილი რუსეთის დაშოშმინებას ცდილობს, კანონის მიღება ხელს არ შეუშლის საქართველოს ევროპისკენ სვლას, რადგან დასავლეთის ინტერესშია საქართველოს ევროკავშირის წევრობა
ცოდნა და გამოცდილება, რომელსაც საქართველო მსოფლიოს უზიარებს - რას საქმიანობს გიორგი ელიავას სახელობის ბაქტერიოფაგიის ინსტიტუტი დღეს?
გაიცანით კომპანია, რომელიც პროექტის „კოდინგის სკოლა 1500 ქალისთვის“ ბენეფიციარებისთვის დასაქმების შესაძლებლობებს ქმნის
ციფრული მარკეტინგი - მომავლის პროფესია
ალტე უნივერსიტეტის მიერ ორგანიზებული გლობალური ჰაკათონი - „Teens in AI 2024“ დასრულდა
მსოფლიო ბესტსელერი ფრანგული ბრენდები ფარმსახლის სააფთიაქო ქსელშია
„SOCAR Team“ ტურნირი „პეტრას განძის“ გამარჯვებული გახდა
იგრძენი გაზაფხული – იცხოვრეთ ალერგიის გარეშე