ჩვენ ვერ ვხედავთ ცვლილებებს რუსეთის ატომური ძალების განლაგებაში, მაგრამ ყურადღებით ვრჩებით, - ამის შესახებ ნატოს გენერალურმა მდივანმა იენს სტოლეტენბერგმა პრესკონფერენციაზე განაცხადა.

“რუსეთმა იცის, რომ ატომური ომის წარმოება არ შეიძლება და მისი მოგება შეუძლებელია. ჩვენ თვალს ვადევნებთ რუსეთის ატომურ ძალებს”, - თქვა სტოლტენბერგმა.

მან ასევე აღნიშნა, რომ ჩრდილოატლანტიკური ალიანსი აძლიერებს საკუთარ კრიტიკულ ინფრასტრუქტურას, სადაზვერვო საქმიანობასა და სადაზვერვო ინფორმაციის გაცვლას.

“ჩვენ მივიღებთ შემდგომ ზომებს ჩვენი სტაბილურობის გასაძლიერებლად და ჩვენი კრიტიკული ინფრასტრუქტურის დასაცავად, და განზრახ თავდასხმა მოკავშირეების კრიტიკულ ინფრასტრუქტურაზე მიიღებს ერთიან და მტკიცე პასუხს”, - თქვა ნატოს გენმდივანმა.